शार्क टँकमधील पाकिस्तानी व्यक्तीची मागणी ऐकून सर्वांनाच धक्का!

शार्क टँक शोबद्दल तुम्हाला जास्त काही सांगायची गरज नाही, तरीही ज्यांना माहिती नाही त्यांच्यासाठी शार्क टँक हा एक व्यवसायाशी संबंधित टीव्ही शो आहे, ज्यामध्ये गुंतवणूकदार, उद्योजक आणि परीक्षक असलेली एक समिती असते. येथे जगभरातील महत्त्वाकांक्षी उद्योजक आपल्या व्यवसाय मॉडेल्स गुंतवणूकदारांसमोर मांडून त्यांच्या या नवीन कल्पनेत पैसे गुंतवण्यासाठी पटवण्याचा प्रयत्न करतात. जगभर हा शो प्रसिद्ध असून अनेक उद्योजक या कार्यक्रमात सहभागी होतात. तसेच अनेक महत्त्वाकांक्षी आणि व्यवसायाबद्दल चांगल्या कल्पना असलेले आणि पैशाची कमतरता भासणारे तरुण उद्योजक या शोमध्ये सहभागी होऊन आपल्या व्यवसायाच्या कल्पनेबद्दल तेथे सांगतात आणि गुंतवणूकदारांनी यावर पैसे का गुंतवावेत हे स्पष्ट करतात. त्यांचे मन जिंकल्यास अनेक गुंतवणूकदार या कल्पनांमध्ये पैसे गुंतवण्यासाठी पुढे येतात. वेगवेगळ्या देशांमध्ये हा शार्क टँक शो चालतो. तसेच पाकिस्तानात झालेल्या टॉक शोमध्ये एका वृद्धाने व्यवसायाबद्दल कोणत्याही ठोस कल्पना नसताना तब्बल ३०० कोटी पाकिस्तानी रुपये मागितले, ज्यामुळे तेथे उपस्थित असलेल्यांना आश्चर्य वाटले.

पाकिस्तानच्या शार्क टँक शोमध्ये केवळ ३% इक्विटीसाठी ३०० कोटी पाकिस्तानी रुपये मागणाऱ्या एका वृद्ध व्यक्तीच्या विचित्र मागणीने शोचे परीक्षक आणि नेटकऱ्यांना धक्का बसला आहे. हा व्हिडिओ आता इंटरनेटवर व्हायरल होत आहे. @startuppakistansp या इंस्टाग्राम पेजवरून हा व्हिडिओ व्हायरल झाला असून, एक व्यक्ती अतिशय आत्मविश्वासाने ३०० कोटी रुपये (भारताचे ९१ कोटी रुपये) मागत आहे. त्यांच्या या मागणीने शोचे परीक्षक हैराण झाले आहेत. यावेळी गुंतवणूकदारांनी त्यांना त्यांच्याकडे देण्यास तयार असलेल्या इक्विटीबद्दल विचारले असता ते केवळ ३% असल्याचे सांगितले, ज्यामुळे पॅनेलमध्ये बसलेले आणखी हैराण झाले.

यावेळी त्या व्यक्तीला त्यांच्या व्यवसायाच्या कल्पनांमधून मिळणाऱ्या उत्पन्नाबद्दल शोच्या परीक्षकांनी प्रश्न विचारले असता त्यांच्याकडे योग्य उत्तर नव्हते, ज्यामुळे हा शो पूर्णपणे विनोदाचा विषय बनला. मात्र ती व्यक्ती शेवटपर्यंत आपल्या भूमिकेवर ठाम राहिल्याचे दिसून आले आणि जर त्यांच्याकडे पैसे असते तर असे विचारण्याऐवजी ते स्वतः शोच्या शार्कसारखे गुंतवणूकदार बनले असते असे म्हणून शोमधील लोकांना धक्का दिला. तसेच त्यांनी मागितलेली रक्कम आपल्या देशात केवळ शेंगदाण्याइतकीच किमतीची असल्याचे ते म्हणाले.

हा व्हिडिओ आता सोशल मीडियावर व्हायरल झाला असून, अनेकांनी पाकिस्तानात झालेल्या या शोबद्दल उपहास केला आहे, त्यांनी शार्क टँकसारख्या गंभीर शोलाही विनोदी शो बनवले आहे. इंडिया गॉट टॅलेंटला कडवी टक्कर असल्याचे दुसऱ्या एका व्यक्तीने म्हटले आहे. विनोद करत नाही पण त्यांना ज्ञानाचा अभाव आहे आणि त्यांनी त्याला फसवले अशीही काही कमेंट्स आल्या आहेत. तसेच काहींनी शोच्या सत्यतेबद्दल प्रश्न उपस्थित केले आहेत. हा व्हिडिओ ३५ लाखांहून अधिक लोकांनी पाहिला आहे.