Nepal Flood : मृतांचा आकडा 688 वर, बेपत्ता नागरिकांचा शोध सुरूच

नेपाळने केलेल्या मागणीनुसार भारत सर्वतोपरी मदत करण्यास तयार आहे, असं परराष्ट्र मंत्रालयाने पुन्हा स्पष्ट केलं आहे. दरम्यान, बेपत्ता असलेल्या सात केरळी नागरिकांबद्दल अजूनही कोणतीही नवीन माहिती मिळालेली नाही.

काठमांडू : नेपाळमध्ये आलेल्या महापुरात मृत्यू झालेल्यांची संख्या आता 688 वर पोहोचली आहे. या दुर्घटनेत बेपत्ता झालेल्या 108 भारतीयांना आतापर्यंत वाचवण्यात यश आलं आहे.

तिबेटच्या भागात अडकलेले 598 लोक नेपाळच्या सीमेवर सुरक्षित पोहोचले आहेत. तिबेटमध्ये असलेले इतर 900 भारतीयही सुरक्षित असल्याची माहिती परराष्ट्र मंत्रालयाने दिली आहे.

दरम्यान, भारताकडून मदतीचा ओघ सुरूच आहे. भारतीय लष्करातील बोगदा तज्ज्ञांची (tunnel experts) एक टीम नेपाळमधील बचावकार्यात सामील होणार आहे. फॉरेन्सिक तज्ज्ञांसह एक मेडिकल टीमही नेपाळमध्ये दाखल झाली आहे. भारताने एक 'बेली ब्रिज' (Bailey bridge) उभारण्यासाठीचं साहित्य नेपाळला पोहोचवलं आहे. आणखी सात पुलांसाठीचं साहित्य लवकरच पाठवण्यात येईल, असं परराष्ट्र मंत्री एस. जयशंकर यांनी सांगितलं आहे. भारत आणखी डॉक्टर्सही नेपाळला पाठवणार आहे.

नेपाळला जी काही मदत लागेल, ती देण्यासाठी भारत तयार आहे, असं केंद्र सरकारने पुन्हा एकदा स्पष्ट केलं आहे. मात्र, या दुर्घटनेत बेपत्ता झालेल्या सात केरळी नागरिकांबद्दल अजूनही कोणतीही माहिती मिळालेली नाही.