हिजबुल्लाचा नवा प्रमुख: नईम कासिम नेतृत्व करणार
हसन नसरल्ला आणि हाशिम सफिद्दीन यांच्या मृत्युनंतर नईम कासिम हिजबुल्लाचे नेतृत्व करणार आहेत.
तेहरान: इस्रायलने केलेल्या हवाई हल्ल्यात मृत्युमुखी पडलेल्या हसन नसरल्ला यांच्यानंतर डेप्युटी सेक्रेटरी जनरल नईम कासिम यांची हिजबुल्लाच्या प्रमुखपदी निवड झाली आहे. हिजबुल्लाने एका निवेदनाद्वारे ही माहिती दिली. नईम कासिम हे हिजबुल्लाचे प्रमुख प्रवक्ते आहेत आणि ते विदेशी माध्यमांशी संवाद साधण्यासाठी ओळखले जातात. ७१ वर्षीय नईम कासिम हे हिजबुल्लाचे संस्थापक सदस्य देखील आहेत.
एक महिन्यापूर्वी बेरूतच्या दक्षिण उपनगरात इस्रायलने केलेल्या हवाई हल्ल्यात हसन नसरल्ला मृत्युमुखी पडले होते. दहिया येथील एका इमारतीखाली असलेल्या हिजबुल्लाच्या भुयारी बोगद्यावर इस्रायल सैन्याने हल्ला केला होता. नसरल्ला यांचे नातेवाईक हाशिम सफिद्दीन हे हिजबुल्लाचे पुढील प्रमुख होण्याची शक्यता होती. परंतु, नसरल्ला यांच्या मृत्युनंतर एका आठवड्यातच इस्रायलच्या हल्ल्यात सफिद्दीन देखील मृत्युमुखी पडले.
१९९१ मध्ये हिजबुल्लाचे तत्कालीन सेक्रेटरी जनरल अब्बास अल-मुसावी यांनी नईम कासिम यांना हिजबुल्लाचे डेप्युटी सेक्रेटरी जनरल म्हणून नियुक्त केले होते. पुढच्या वर्षी इस्रायलच्या हल्ल्यात मुसावी मृत्युमुखी पडले. त्यानंतर नसरल्ला प्रमुख झाल्यानंतरही नईम कासिम आपल्या भूमिकेत राहिले. इस्रायलसोबतचा संघर्ष सुरू असताना नईम कासिम यांचे निर्णय महत्त्वपूर्ण ठरतील असा अंदाज आहे.
)
)
)
)