चुंबकीय खेळणी गिळली, ८ वर्षीय मुलावर शस्त्रक्रिया

८ वर्षाच्या मुलाने चुकून चुंबकीय खेळण्यातील छोटे चेंडू गिळल्याने त्याची प्रकृती बिघडली. चुंबक मुलाच्या घशात एकमेकांना चिकटले आणि चुकून तो गिळला. त्यानंतर घाबरलेला मुलगा आईकडे धावला आणि घटनेची माहिती दिली.

यूकेमध्ये ८ वर्षाच्या मुलाने चुकून चुंबकीय खेळण्यातील छोटे चेंडू गिळल्याने त्याची प्रकृती बिघडली. कुटुंबीयांनी तातडीने मुलाला रुग्णालयात दाखल केले. एक्स-रेमध्ये त्याच्या पोटात दोन छोटे चुंबकीय चेंडू एकमेकांना चिकटलेले असल्याचे आढळून आले.

खेळ झाला धोकादायक

२२ डिसेंबर रोजी ८ वर्षीय ज्युनियर गॅलनने चुंबकीय चेंडूंपासून बनावट जीभ पियर्सिंग करण्याचा प्रयत्न केला. पण हा खेळ लवकरच धोकादायक ठरला. दोन्ही चुंबक मुलाच्या घशात एकमेकांना चिकटले आणि चुकून तो गिळला. त्यानंतर घाबरलेला मुलगा आईकडे धावला आणि घटनेची माहिती दिली. मात्र मुलाच्या आईने त्याला अनेक वेळा ही खेळणी तोंडात घालू नये अशी ताकीद दिली होती.

मुलाच्या पोटात चिकटले चुंबकीय चेंडू

मुलाची प्रकृती पाहून कुटुंबीय त्याला तातडीने रुग्णालयात घेऊन गेले. तिथे एक्स-रेमध्ये त्याच्या पोटात दोन छोटे चुंबकीय चेंडू एकमेकांना चिकटलेले असल्याचे आढळून आले. हे चुंबक पोटात किंवा आतड्यांच्या दुसऱ्या बाजूला चिकटू शकतात, ज्यामुळे गंभीर धोका निर्माण होऊ शकतो, अशी डॉक्टरांची चिंता होती. चुंबकीय चेंडूंच्या कडा टोकदार असल्याने आतड्यांना छिद्रही पडू शकते आणि परिस्थिती अधिक धोकादायक होऊ शकते. मात्र मुलगा आता पूर्णपणे बरा आहे.

कुटुंबियांना दिला हा सल्ला

डॉक्टरांनी कुटुंबियांना सल्ला दिला की मुलाला सर्व चुंबकीय वस्तू आणि धातूंपासून बनवलेल्या वस्तूंपासून दूर ठेवावे. अगदी झिप असलेल्या जॅकेट आणि कपड्यांपासूनही, कारण त्याच्या शरीरातील चुंबक झिपर्सकडे आकर्षित होऊ शकतात. मुलाच्या आई लुईस मॅकफार्लेनने त्याला दोन वर्षांपूर्वी हे चुंबकीय खेळणे दिले होते. आतापर्यंत तो ते फक्त मॉडेल बनवण्यासाठी वापरत असे, पण अचानक झालेल्या या अपघाताने कुटुंबाला धक्का बसला.