मुलाला मोबाईलचं व्यसन? दक्षिण-पश्चिम दिशेचा हा वास्तू उपाय सगळं बदलेल

आज प्रत्येक घरात मुलांचा स्क्रीन टाइम एक मोठी समस्या बनली आहे. अभ्यासावरून लक्ष विचलित होऊन त्यांचं लक्ष मोबाईल आणि टीव्हीवर खिळून राहतं. यावर वास्तूशास्त्रात सोपा मार्ग जाणून घेऊ.

जर तुमचं मूल तासन्तास मोबाईलमध्ये हरवून जात असेल, तर फक्त ओरडणं पुरेसं नाही. सवय बदलण्यासाठी घरातलं वातावरण बदलणंही गरजेचं आहे आणि इथेच वास्तूशास्त्र उपयोगी पडतं.

वास्तुशास्त्रानुसार, तुमचं मूल जो मोबाईल जास्त वापरतं, तो घराच्या दक्षिण-नैऋत्य दिशेत ठेवा. असं मानलं जातं की, या दिशेत ठेवलेल्या वस्तू हळूहळू आपल्या आयुष्यातून दूर जाऊ लागतात.

हा उपाय नियमित केल्यास मुलाचं मन आपोआप मोबाईलवरून दूर होऊ लागतं. या उपायाचा परिणाम हळूहळू दिसतो, त्यामुळे संयम ठेवून तो करणं महत्त्वाचं आहे.

फक्त मोबाईलच नाही, तर कोणतीही वाईट सवय किंवा व्यसन कमी करण्यासाठी या दिशेचा वापर करता येतो. ही दिशा नकारात्मक गोष्टींना घराबाहेर काढण्यासाठी मदत करते, असं मानलं जातं.

एक गोष्ट लक्षात ठेवा, दक्षिण-नैऋत्य (South-South-West) दिशेत पुस्तकं, फोटो किंवा लॉकरसारख्या मौल्यवान वस्तू ठेवू नका. यामुळे अभ्यासात मन लागत नाही आणि घरात तणाव वाढू शकतो.

तसेच, दक्षिण-नैऋत्य दिशेत हिरवा, निळा आणि काळा रंग वापरणं टाळा. योग्य दिशा आणि रंगांचं संतुलन साधून तुम्ही मुलांच्या सवयींमध्ये सकारात्मक बदल घडवू शकता.