Vastu Tips: फ्रिज कोणत्या रंगाचा असावा, किचनमध्ये कुठे ठेवावा?

किचन हा घराचा एक महत्त्वाचा भाग आहे. इथे कोणत्या दिशेला काय ठेवावं, याबद्दल वास्तुशास्त्रात सांगितलं आहे. किचनमध्ये फ्रिज कुठे ठेवावा, याविषयीच्या काही खास गोष्टी जाणून घेऊया.

फ्रिज विजेवर चालतो, आणि वीज म्हणजे अग्नी. पण एक खास गोष्ट म्हणजे, यात ठेवलेल्या बहुतेक वस्तू या द्रव (liquid) स्वरूपात असतात, जसं की पाण्याची बाटली, दूध आणि इतर सामान.

यामुळे फ्रिजचा संबंध अग्नी आणि जल या दोन्ही तत्वांसोबत येतो. वास्तुशास्त्रानुसार, किचनमध्ये फ्रिज दक्षिण किंवा पश्चिम दिशेला ठेवावा. यामुळे अग्नी आणि जल तत्वांचं संतुलन कायम राहतं.

वास्तुशास्त्रानुसार, फ्रिज कधीही ईशान्य किंवा नैऋत्य कोपऱ्यात चुकूनही ठेवू नये. असं केल्यास किचनमधील वास्तु बिघडू शकते आणि त्याचे वाईट परिणाम भोगावे लागू शकतात.

फ्रिज खरेदी करताना त्याच्या रंगाकडेही विशेष लक्ष द्यायला हवं. फ्रिज अग्नी तत्वाशी संबंधित असल्यामुळे लाल रंगाचा फ्रिज विशेष शुभ मानला जातो.