विमान तिकीट बुक करण्याचे स्मार्ट मार्ग

आजकाल परदेशात फिरायला जाण्याचा ट्रेंड वाढलाय, पण तिकीटं खूप महाग झाली आहेत. मात्र, काही सोप्या टिप्स वापरून तुम्ही स्वस्तात परदेशी फ्लाईटचं तिकीट बुक करू शकता.

प्रवासाच्या तारखेच्या 6 ते 8 आठवडे आधी तिकीट बुक केल्यास, ते स्वस्त मिळण्याची शक्यता जास्त असते.

ट्रॅव्हल वेबसाइट्सवर फ्लाईट प्राईस अलर्टचा ऑप्शन ऑन करा. यामुळे जेव्हा तिकिटांचे दर कमी होतील, तेव्हा तुम्हाला लगेच नोटिफिकेशन मिळेल.

सुट्ट्यांच्या दिवसात तिकीटं महाग असतात, त्यामुळे ऑफ-सीझनमध्ये प्रवास करा. या काळात विमान आणि हॉटेल दोन्ही स्वस्त मिळतात.

साधारणपणे सोमवार ते गुरुवारपर्यंत विमानाचे दर कमी असतात, तर वीकेंडला म्हणजेच शनिवार-रविवारी दर वाढतात.

क्रेडिट कार्ड किंवा ट्रॅव्हल ॲपचे रिवॉर्ड पॉइंट्स, डिस्काउंट कूपन किंवा कॅशबॅक ऑफर्स तुम्हाला स्वस्त तिकीट मिळवण्यासाठी मदत करू शकतात.

नेहमी एकाच वेबसाइटवर अवलंबून राहू नका. वेगवेगळ्या प्लॅटफॉर्मवर विमानाचे दर तपासून मगच बुकिंग करा.

थेट विमानाऐवजी रात्रीची किंवा कनेक्टिंग फ्लाईट निवडल्यास तिकिटाचा खर्च कमी होऊ शकतो.

एकाच मार्गावर वारंवार सर्च केल्यास वेबसाइट तिकिटाची किंमत वाढवते. त्यामुळे, Incognito मोडमध्ये तिकीट सर्च करा.

काही एअरलाइन्स आणि ट्रॅव्हल वेबसाइट्स आंतरराष्ट्रीय प्रवासासाठी पॅकेज डील देतात, ज्यात विमान आणि हॉटेलचा समावेश असतो. हे पॅकेज स्वस्त पडतात.