चपात्या मऊ लुसलुशीत बनवण्यासाठी सोप्या टिप्स

रोजच्या जेवणात चपाती हवीच. पण अनेकदा चपात्या कडक होतात. जर तुम्हाला हॉटेलसारख्या मऊ आणि पदर सुटणाऱ्या चपात्या बनवायच्या असतील, तर या काही सोप्या टिप्स नक्कीच तुमच्या कामी येतील.

चपातीसाठी पीठ मळण्यापूर्वी, एका ॲव्हाकाडोची साल आणि बी काढून घ्या. त्यानंतर ते चांगलं मॅश करून गव्हाच्या पिठात मिसळा. यामुळे चपात्या मऊ होतात.

ॲव्हाकाडो पेस्ट घातलेल्या पिठात चवीनुसार मीठ आणि थोडं तूप घालून पीठ चांगलं मळून घ्या. त्यानंतर त्याचे छोटे गोळे करून नेहमीप्रमाणे चपात्या लाटा आणि भाजा.

चपातीचं पीठ मळताना त्यात थोडं तूप घातल्यास चपात्या मऊ होण्यास मदत होते. तुपामुळे पीठ अधिक मुलायम होतं आणि चपात्या लुसलुशीत बनतात.

गव्हाच्या पिठात दही घालून चपातीचं पीठ मळू शकता. पीठ मळल्यानंतर ते एक ते दोन तास झाकून ठेवा. त्यानंतर चपात्या बनवा, त्या अधिक मऊ होतील.

चपातीसाठी पीठ मळताना थंड पाण्याऐवजी कोमट किंवा गरम पाण्याचा वापर करा. गरम पाण्यामुळे पीठ चांगलं भिजतं आणि चपात्या मऊ होतात.

जर तुमच्याकडे तूप किंवा दही नसेल, तर तुम्ही थोडं खोबरेल तेल घालूनही चपातीचं पीठ मळू शकता. यामुळेसुद्धा चपात्या अधिक मऊ आणि चवदार बनतात.