तुमचाही गोंधळ होतो का?

अंडी उकडणं हे काम सोपं वाटतं, पण योग्य पद्धतीनं अंडी उकडणं ही सुद्धा एक कला आहे. अंडी नेमकी किती वेळ उकडावीत, याबद्दल तुम्हीही कन्फ्युज असाल, तर ही माहिती तुमच्यासाठी आहे.

अंडं एक 'सुपरफूड' आहे. त्यात भरपूर प्रोटीन असतं. पण ते नीट उकडलं नाही, तर आतला पिवळा भाग कच्चा राहू शकतो किंवा जास्त शिजून रबरासारखा होऊ शकतो.

एका खोलगट भांड्यात अंडी ठेवा. त्यात अंडी किमान 1 इंच बुडतील इतकं पाणी घाला.

उकळत्या पाण्यात अर्धा चमचा मीठ घाला. यामुळे अंड्याचं कवच सहजपणे निघतं आणि अंडं तडकलं तरी आतला पांढरा भाग बाहेर येत नाही.

पाण्याला उकळी आल्यानंतर गॅसची फ्लेम (आच) कमी करा.

अंडी 15 मिनिटांपेक्षा जास्त वेळ उकडू नका. असं केल्यास पिवळ्या भागाभोवती काळी किंवा हिरवी रेष तयार होते आणि चवही बिघडते.