प्रतीक यादव यांना होता हा गंभीर आजार, दुर्लक्ष म्हणजे मृत्यूला आमंत्रण

उत्तर प्रदेशचे माजी मुख्यमंत्री मुलायम सिंह यादव आणि सपा प्रमुख अखिलेश यादव यांचे धाकटे भाऊ प्रतीक यादव यांचं निधन झालं आहे. असं म्हटलं जातंय की, ते एका गंभीर आजाराने त्रस्त होते.

प्रतीक यांच्या जवळच्या लोकांनी सांगितलं की, ते गेल्या काही काळापासून आरोग्य आणि कौटुंबिक समस्यांशी झुंज देत होते. त्यामुळे ते डिप्रेशनमध्ये गेले होते. पण एक गंभीर आजारही होता.

प्रतीक यादव यांच्या जवळच्या सूत्रांनी सांगितलं की, त्यांना पल्मोनरी एम्बोलिझम हा आजार होता. यामध्ये रक्ताची गुठळी फुफ्फुसांच्या नसांमध्ये अडकते आणि रक्तप्रवाह अचानक थांबवते.

डॉक्टरांच्या मते, या आजाराची मुख्य लक्षणं म्हणजे - अचानक श्वास लागणे, छातीत तीव्र वेदना, खोकला आणि ऑक्सिजनची पातळी कमी होणे. तुम्हाला अशी लक्षणं दिसल्यास डॉक्टरांशी संपर्क साधा.

या आजारामुळे प्रतीक यांना काही दिवसांपूर्वी लखनऊमधील एका खासगी रुग्णालयात दाखल करण्यात आलं होतं. तिथे त्यांच्यावर उपचार सुरू होते. त्यांना ICU मध्ये ठेवण्यात आलं होतं.

प्रतीक यादव यांच्या जवळच्या व्यक्तींनी सांगितलं की, प्रतीक उपचार पूर्ण करण्याआधीच हॉस्पिटलमधून घरी आले होते. जर त्यांनी उपचारांचा कोर्स पूर्ण केला असता, तर कदाचित ते आज जिवंत असते.

सध्या प्रतीक यादव यांच्या मृतदेहाचं पोस्टमॉर्टम सुरू आहे. त्याचा रिपोर्ट आल्यानंतरच मृत्यूचं नेमकं कारण स्पष्ट होईल. कारण त्यांच्या मृत्यूची इतरही अनेक कारणं सांगितली जात आहेत.