औषधी वनस्पती

औषधी वनस्पतींची लागवड करणं खूप सोपं आहे. घरातल्या घरात, अगदी कमी देखभालीत तुम्ही या वनस्पती वाढवू शकता. चला तर मग, किचनमध्ये कोणत्या वनस्पती लावाव्यात ते पाहूया.

थाईम ही एक अत्यंत गुणकारी औषधी वनस्पती आहे. तुम्ही तुमच्या किचनमध्ये अगदी सहजपणे थाईम वाढवू शकता. यासाठी जास्त काही मेहनत घ्यावी लागत नाही.

आपल्या घरात सहज उपलब्ध होणारी तुळसही पाण्यात वाढवता येते. फक्त एक गोष्ट लक्षात ठेवा, दर तीन दिवसांनी याचं पाणी बदलायला विसरू नका.

रोझमेरीचं रोपही पाण्यात सहज वाढतं. पण याच्या मुळांना वाढायला थोडा वेळ लागतो, त्यामुळे थोडा धीर धरणं महत्त्वाचं आहे.

आपल्या जेवणातली अविभाज्य कोथिंबीरसुद्धा पाण्यात सहज वाढवता येते. जिथे चांगला सूर्यप्रकाश येतो, तिथे कोथिंबिरीचं भांडं ठेवा.

गवती चहा किंवा लेमनग्रास पाण्यात सहज वाढतो. यासाठी फक्त त्याचा एक दांडा पाण्यात ठेवा. काही दिवसांतच त्याला मुळं फुटतील आणि तो छान वाढेल.

पुदिना हे असं रोप आहे जे कमी देखभालीतही झपाट्याने वाढतं. तुम्ही ते पाण्यातही सहज वाढवू शकता. आपण याचा वापर चटणी, चहा आणि सरबतामध्ये करतो.