ईशा अंबानीचा ड्रेस ४५० तासांत तयार, २६ बॉर्डरने सजवला लूक

मेट गालाच्या प्री-पार्टीमध्ये ईशा अंबानीने एक खूपच युनिक ड्रेस घातला होता. यामध्ये तब्बल २६ वेगवेगळ्या प्रकारच्या बॉर्डर जोडल्या होत्या. या बॉर्डर कलाकुसरीचं प्रतिनिधित्व करतात.

'स्वदेश' या लेबलसोबत मिळून हा ड्रेस तयार करण्यात आला. हा बॉडी-हगिंग सिल्हूट ड्रेस असून तो बॉडीशेपला अधिक आकर्षक बनवतो. हा ड्रेस ४५० तासांत तयार करण्यात आला.

या ड्रेसमध्ये यूपीची जरदोजी, पारसी गारा, माहेश्वरी विणकाम, करचोबी, आरी भरत, टिल्ला, कांथा, कांजीवरम सिल्क, महाराष्ट्राची पैठणी आणि बनारसी ब्रोकेड अशा विविध कलाकुसरीचा समावेश आहे.

ईशाने लांब वेणी घातली होती. या वेणीमध्ये एक लांब हेअर ॲक्सेसरी वापरली होती, ज्यावर मौल्यवान खड्यांचे काम होते. ग्लॉसी ब्राऊन लिप्स आणि ड्यूई आईजमुळे ती गॉर्जिअस दिसत होती.