जेली नेल्स पुन्हा ट्रेंडमध्ये, असा मिळवा काचेसारखा शायनी लुक

90 च्या दशकात लोकप्रिय असलेले ग्लास जेली नेल्स पुन्हा फॅशनमध्ये आले आहेत. ही नखं हलकी पारदर्शक, चमकदार आणि काचेसारखी दिसतात. त्यामुळे ती कोणत्याही कार्यक्रमासाठी परफेक्ट दिसतात.

जेली नेल्स बनवण्यासाठी फक्त क्लिअर नेलपॉलिशमध्ये थोडासा रंग मिसळा आणि त्याचा एक पातळ थर लावा. या सोप्या पद्धतीने तुम्हाला अगदी पार्लर किंवा सैलूनसारखा लुक मिळतो.

क्लिअर नेलपॉलिशमध्ये थोडा हलका जांभळा किंवा गुलाबी रंग मिसळून तुम्ही सॉफ्ट आणि सुंदर लुक मिळवू शकता. ही स्टाईल ब्रंच किंवा बीचवर जाण्यासाठी एकदम परफेक्ट आहे.

तुम्हाला जर सिंपल लुक आवडत असेल, तर लाईट शियर पिंक पारदर्शक नेलपॉलिश लावा. यामुळे नखांना एक स्वच्छ आणि ट्रेंडी लुक मिळतो, जो रोजच्या वापरासाठी उत्तम आहे.

हलका पिवळा बेस लावून त्यावर थोडा ऑरेंज किंवा लाल रंग मिसळा. यामुळे एक फ्रेश आणि एनर्जीने भरलेला लुक मिळतो, जो तुमचा मूडही चांगला करतो. फक्त एकच कोट लावा.

तुम्हाला ब्राईट आणि फन लुक आवडत असेल, तर वेगवेगळ्या नखांवर वेगवेगळे शियर कलर्स लावा. जसे की - पिंक, रेड, यलो, ग्रीन, पर्पल. प्रत्येक नखावर एक छोटं फळाचं डिझाइन काढा. 

तुम्हाला काहीतरी हटके आणि स्टेटमेंट लुक हवा असेल, तर सॉफ्ट पिंक किंवा पीच शेडचा बेस लावा. त्यावर 3D एलिमेंट्स, स्टोन्स किंवा डिझाइन लावा. बेस पारदर्शकच ठेवा.

जेली नेल्स दिसायला सोपे, स्टायलिश आणि कोणत्याही आऊटफिटवर छान दिसतात. 90 च्या दशकातला हा ट्रेंड पुन्हा परत आला आहे, जो तुम्ही घरीही ट्राय करू शकता.