स्पंज

भांडी घासण्याचा स्पंज तीन आठवड्यांपेक्षा जास्त वापरू नये. यात घाण आणि ओलावा साचतो, ज्यामुळे जंतू वाढतात. त्यामुळे जुना स्पंज बदलून नवीन वापरा.

भांडी घासण्यासाठी वापरले जाणारे स्क्रबर वेळोवेळी बदलणं आरोग्यासाठी चांगलं असतं. जास्त दिवस एकच स्क्रबर वापरणं योग्य नाही.

नॉन-स्टिक भांडी, पॅन अनेक वर्षं वापरण्याची सवय सोडा. जुने झाल्यावर किंवा त्यावर ओरखडे आल्यास ते बदला. कारण खराब कोटिंग आरोग्यासाठी धोकादायक ठरू शकतं.

प्लॅस्टिकचा कटिंग बोर्ड दर दोन महिन्यांनी बदलायला हवा. यावर अन्नाचे डाग लागतात आणि त्यात जंतू वाढण्याची शक्यता असते.

प्लॅस्टिकचे डबे जास्त काळ वापरणं आरोग्यासाठी चांगलं नाही. डब्याला डाग लागल्यास किंवा वास येऊ लागल्यास ते लगेच बदला.

किचन टॉवेलमध्ये घाण, ओलावा आणि जंतू असण्याची शक्यता जास्त असते. त्यामुळे एक वर्षापेक्षा जास्त काळ एकच टॉवेल वापरू नका.

लाकडी कटिंग बोर्ड, चमचे आणि इतर भांड्यांमध्ये ओलावा टिकून राहतो. यामुळे त्यात जंतू वाढू शकतात. त्यामुळे ही भांडी वेळोवेळी बदलायला विसरू नका.