जुन्या टायरचा देसी जुगाड, 6 प्रकारे सजवा घर

जुन्या टायरला गोल्डन पेंट करा. टायरच्या मापाचा आरसा त्यात बसवा आणि भिंतीवर लावा. हे दिसायला खूपच ट्रेंडी आणि आकर्षक वाटेल.

तुम्ही जुन्या टायरच्या मदतीने बाल्कनीसाठी झोपाळा तयार करू शकता. टायरच्या खाली प्लायवूड लावा आणि वरच्या बाजूला एक गोल कुशन ठेवा. बस्स, तुमचा झोपाळा तयार!

तुम्ही टायर वापरून एक छोटं टेबल तयार करू शकता. यासाठी सुताराकडून एक लाकडी स्टँड आणि गोल प्लायवूड तयार करून घ्या. टायरला तुमच्या आवडीचा रंग द्या.

जुन्या टायरपासून एक सुंदर प्लांटरसुद्धा बनवता येतो. यामुळे घराच्या सौंदर्यात भर पडते. टायरच्या खाली बेससाठी वॉटरप्रूफ प्लायवूड लावून त्याला एक होल पाडा.

जर तुम्हाला मोठ्या टेबलचा स्टँड मिळाला, तर जुन्या टायरपासून सेंटर टेबलही तयार होऊ शकतं. इतकंच नाही, तर दोन टायर एकमेकांवर ठेवून बसण्यासाठी स्टूल किंवा बैठकही तयार करता येते.

जुना टायर भिंतीवर लावा आणि त्याच्या आत लाकडी शेल्फ बसवा. मग त्यावर तुमच्या आवडीच्या शोभेच्या वस्तू किंवा छोटी रोपं ठेवा.