जुन्या बटणांपासून बनवा या 7 सुंदर वस्तू, क्रिएटिव्हिटीचं होईल कौतुक

तुमच्या घरात काचेची जुनी बरणी किंवा बाटली असेल, तर तुम्ही तिला रंगीबेरंगी बटणांनी सजवून फ्लॉवरपॉट बनवू शकता. यात लाईट लावून तुम्ही त्याला अधिक सुंदर लुक देऊ शकता. 

तुम्ही बटणांपासून ख्रिसमस ट्री बनवू शकता. तुमच्या आवडीच्या रंगाची बटणं ग्लूच्या मदतीने एकावर एक जोडा. त्यावर मोती किंवा छोटे तारेही चिकटवू शकता. 

मुलांसाठी हे एक परफेक्ट क्रिएटिव्ह काम आहे. तुम्ही त्यांना मोती आणि रंगीबेरंगी बटणं फ्रेमवर चिकटवण्यासाठी देऊ शकता. यातून तुम्हाला एक नवीन आणि युनिक फोटोफ्रेम मिळेल.

कॅनव्हासवर झाडाचं किंवा एखाद्या प्राण्याचं डिझाइन काढून त्यावर ग्लूच्या मदतीने बटणं चिकटवा. यामुळे भिंतीला खूप ट्रेंडी आणि आकर्षक लुक मिळतो.

बाहेरून महागडं विंड चाइम आणण्याऐवजी तुमची क्रिएटिव्हिटी वापरा. तुम्ही बटणांपासून अशाप्रकारे सुंदर विंड चाइम बनवून घराच्या आत किंवा बाल्कनीमध्ये टांगू शकता.

तुम्ही बटणं जोडून एक सुंदर बाऊल बनवू शकता. एक फुगा फुगवून त्याच्यावर ग्लूच्या मदतीने बटणं एकमेकांना चिकटवत जा. सुकल्यावर फुगा फोडा. तुम्ही बटणांनी जुनं घड्याळही सजवू शकता.