ताज्या मोगऱ्याच्या फुलांनी केस सजवा, पाहा गजरा हेअरस्टाईलचे सुंदर लूक

सण-समारंभात किंवा खास प्रसंगी केसांमध्ये गजरा माळायला अनेकांना आवडतं. ताज्या मोगऱ्याच्या फुलांनी तुम्ही तुमच्या केसांना एक सुंदर आणि पारंपरिक लूक देऊ शकता. 

केसांचा लो किंवा हाय बन (अंबाडा) बांधा आणि त्याच्याभोवती मोगऱ्याचा गजरा गुंडाळा. हा लूक लग्न, पूजा आणि पारंपरिक कपड्यांवर खूप सुंदर दिसतो.

बन हेअरस्टाईलमध्ये एका बाजूला हलकासा गजरा लावा. साधा आणि फ्रेश लूक हवा असेल, तर हा उत्तम पर्याय आहे. दिवसाच्या कार्यक्रमांसाठी ही स्टाईल छान दिसते.

लांब वेणी घालून त्यात मधे-मधे गजरा पिनांनी लावा. हा लूक साऊथ इंडियन स्टाईलची आठवण करून देतो आणि खूप आकर्षक दिसतो.

अर्ध्या केसांचा बन किंवा वेणी घाला आणि त्याच्याभोवती गजरा लावा. हा फ्युजन लूक इंडो-वेस्टर्न कपड्यांवर अगदी परफेक्ट दिसतो.

मोकळ्या केसांना वेव्ही किंवा कर्ली लूक द्या. त्यात 'यू' किंवा 'व्ही' आकारात मोगऱ्याचा गजरा लावा. याने तुम्हाला पारंपरिक आणि मॉडर्न असा दोन्ही लूक मिळेल. ही स्टाईल करायला सोपी आहे.

केसांचा असा मेसी बन बांधा आणि त्यावर ताज्या मोगऱ्याच्या फुलांचा गजरा लावा. मेसी बनवर गोल किंवा छोट्या लटकनप्रमाणे गजरा लावून तुम्ही पारंपरिक लूक मिळवू शकता.

तुमच्या केसांची व्हॉल्यूम कमी असेल पण मोठा बन हवा असेल, तर आधी बन तयार करा. नंतर तो गजऱ्याने पूर्णपणे कव्हर करा. यामुळे तुमच्या केसांना एक वेगळीच सुंदरता आणि स्टाईल मिळेल.