टी20 क्रिकेटमध्ये सर्वात जलद 5000 धावा पूर्ण करणारे 5 फलंदाज

सध्या जगभरात टी२० क्रिकेटचा काळ सुरू आहे. या झटपट क्रिकेटमध्ये चाहत्यांना कमी वेळेत मस्त म्हणजेच फुल पैसा वसूल सामना पाहायला मिळतो.

आज आम्ही तुम्हाला टी२० क्रिकेटमध्ये सर्वात जलद ५००० धावा करणाऱ्या ५ फलंदाजांबद्दल सांगणार आहोत. सर्व गतिमान एक्सप्रेससारखे धावले आहेत.

पहिल्या क्रमांकावर कॅरेबियन फलंदाज क्रिस गेलचे नाव येते, ज्याने टी२० क्रिकेटमध्ये धुमाकूळ घातला आहे. गेलने १३२ डावांमध्येच ५ हजार धावा केल्या होत्या.

दुसऱ्या क्रमांकावर भारतीय फलंदाज केएल राहुलने आपले नाव कोरले आहे. राहुलने लाजवाब कामगिरी करत टी२० क्रिकेटमध्ये १४३ डावांमध्ये ५००० धावा केल्या आहेत.

या यादीत तिसऱ्या क्रमांकावर ऑस्ट्रेलियाचा माजी खेळाडू शॉन मार्शचे नाव आहे. मार्शने टी२० क्रिकेटमध्ये ५००० धावा करण्यासाठी १४४ डाव खेळले होते.

चौथ्या स्थानावर कीवी फलंदाज डेवोन कॉन्वेचे नाव येते. या डावखुऱ्या सलामीवीर फलंदाजाने टी२० क्रिकेटमध्ये १४४ डाव खेळून ५००० धावा केल्या.

पाचव्या क्रमांकावर पाकिस्तानी फलंदाज बाबर आझमचे नाव येते. बाबरने टी२० क्रिकेटमध्ये सातत्याने धावा केल्या आणि १४५ डावांमध्ये ५ हजार धावा पूर्ण केल्या.