भारतीय क्रिकेटसंघातील गोलंदाज मोहम्मद शमीने अखेर सानियासोबतच्या लग्नाच्या चर्चांवरील मौन सोडले आहे.
सोशल मीडियावर काही दिवसांपूर्वी बनावट पोस्टमुळे शमी आणि सानिया लग्न करणार असल्याच्या अफवा उडाल्या होत्या.
सानिया आणि शमीचा एक फोटोही एडिट करुन सोशल मीडियात व्हायरल करण्यात आला होता. याचेच उत्तर खेळाडूने एका मुलाखतीत दिले आहे.
शमीने मुलाखतीत लग्नासंदर्भातील अफवा पसरवणाऱ्यांच्या विरोधात कठोर शब्दात टिका केली.
नागरिकांनी सोशल मीडियावर फेक गोष्टी व्हायरल करण्यापासून दूर राहण्याचा सल्ला दिला आहे. मिम्स मनोरंजन करत असले तरीही ते नुकसानही पोहचवतात.
शमीने म्हटले, सर्वांनी सोशल मीडियावर जबाबदारीने वागावे. अशा अफवा पसरवण्यापासून दूर रहावे.
वर्ल्ड कप 2023 स्टार गोलंदाजाने म्हटले, फोन उघडल्यानंतर सर्वप्रथम माझाच फोटो दिसतो.
कोणाचीही अशी मस्करी करु नये. तुम्ही अधिकृत पेजचा वापर करत नाही, म्हणून काहीही बोलू शकता अशा शब्दातही शमीने टिका केली आहे.
तुमच्यामध्ये हिंमत असल्यास अधिकृत पेजच्या माध्यमातून बोलून दाखवा असा इशाराही शमीने ट्रोलर्सला दिला आहे.
शमी वनडे वर्ल्ड कपनंतर संघातून बाहेर आहे. शमीच्या पायांच्या तळव्यांची सर्जरी झाल्याने त्याला संघात घेतले नव्हते.
मोहम्मद शमी बांग्लादेशच्या विरोधात होणाऱ्या सीरिजमध्ये भारतीय संघात खेळण्याची शक्यता आहे