हिवाळ्यात त्वचा कोरडी पडल्यावर काय करावं, माहिती घ्या जाणून

हिवाळ्यात त्वचेमधील ओलावा लवकर कमी होतो. त्यामुळे आंघोळीनंतर आणि रात्री झोपण्यापूर्वी जाडसर मॉइश्चरायझर किंवा बॉडी लोशन लावणे खूप गरजेचे आहे.

खूप गरम पाणी त्वचेतील नैसर्गिक तेल काढून टाकते. त्यामुळे कोमट पाण्याने आंघोळ करणे त्वचेसाठी फायदेशीर ठरते.

केमिकलयुक्त आणि जास्त फेस येणारे साबण त्वचेला अधिक कोरडी करतात. माइल्ड, हर्बल किंवा मॉइश्चरायझिंग साबण वापरणे योग्य ठरते.

थंडीत तहान कमी लागते, पण शरीरातील पाणी कमी झाले तर त्वचा कोरडी पडते. रोज किमान 7–8 ग्लास पाणी पिणे आवश्यक आहे.

ओमेगा-3 फॅटी अ‍ॅसिड असलेले पदार्थ (अक्रोड, जवस), हिरव्या भाज्या आणि फळांचा आहार त्वचेला आतून पोषण देतो.

झोपण्यापूर्वी चेहरा स्वच्छ करून नाइट क्रीम किंवा नारळ तेल, बदाम तेल लावल्यास त्वचा मऊ आणि तजेलदार राहते.