Kitchen Vastu : या ५ गोष्टींमुळे घरात अशांती येते, आजच बाहेर काढा

वास्तुशास्त्रानुसार, आपण काही गोष्टी घराच्या किचनमध्ये चुकूनही ठेवू नये. असं केल्याने किचनमधील वास्तु बिघडतो आणि त्याचा परिणाम घरातील सर्व सदस्यांवर होतो. 

अनेक जण आपल्या किचनमध्ये औषधं ठेवतात. पण ही एक चुकीची सवय आहे. किचनमध्ये औषधं चुकूनही ठेवू नयेत. असं केल्याने घरातील कुणी ना कुणी सतत आजारी पडतं.

किचनमधील कचरा एकत्र करण्यासाठी डस्टबिन गरजेचा असतो, पण तो किचनमध्ये न ठेवता बाहेर ठेवावा. किचनमध्ये डस्टबिन ठेवणं अशुभ मानलं जातं.

किचनमध्ये वापरला जाणारा एखादा इलेक्ट्रॉनिक आयटम, जसं की मिक्सर किंवा ज्युसर, खराब झाला असेल तर तो लगेच बाहेर काढा. नाहीतर यामुळे वास्तुदोष निर्माण होऊ शकतो.

काही लोक आपल्या किचनमध्येच एक छोटंसं देवघर बनवतात. जे लोक घरात मांसाहार बनवतात, त्यांनी असं करणं टाळावं. यामुळे घरात दोष निर्माण होतो आणि अनेक प्रकारच्या समस्या येतात.

जी भांडी तुटलेली किंवा फुटलेली आहेत, ती सुद्धा किचनमध्ये ठेवू नयेत. अशा गोष्टींमुळे किचनचा वास्तु बिघडतो आणि घरात राहणाऱ्या लोकांवरही त्याचा वाईट परिणाम होतो.