अशुभ टाळायचे असेल तर तुळशीशी संबंधित या 6 गोष्टी कधीही विसरू नका

दरवर्षी देवूठाणी एकादशीला तुळशी विवाहाचे आयोजन केले जाते. या वेळी शुभ तारीख मंगळवार, 12 नोव्हेंबर आहे. तुळशीशी संबंधित अनेक समजुती आपल्या समाजातही प्रचलित आहेत.

तुळशीबद्दल असे म्हटले जाते की या रोपामुळे घरात सुख-समृद्धी वाढते. पण याच्याशी संबंधित काही चुका विनाशालाही कारणीभूत ठरतात. जाणून घ्या तुळशीशी संबंधित काही खास गोष्टी...

धार्मिक ग्रंथानुसार तुळशीची पाने ठराविक तारखांना तोडू नयेत, असे केल्याने अशुभ फळ मिळते. या तिथी आहेत- एकादशी, द्वादशी, चतुर्दशी आणि अमावस्या.

तुळशीचे रोप हे देवीचे प्रत्यक्ष रूप मानले जाते. अशुद्ध अवस्थेत म्हणजे आंघोळ केल्याशिवाय स्पर्श करू नये. असे केल्याने अपमान होतो आणि त्याचे अशुभ परिणाम आपल्याला भोगावे लागतात.

सूर्यास्तानंतरही तुळशीची पाने तोडू नयेत. सूर्यास्तानंतर तुळशीला पाणीही घालू नये. तुळशीला पाणी घालण्याची योग्य वेळ म्हणजे पहाटेची.

तुळशीची पाने कोणत्याही देव किंवा देवीला अर्पण केली जाऊ शकतात परंतु भगवान श्री गणेशाला नाही. धार्मिक ग्रंथानुसार असे केल्याने आपल्यासाठी नवीन समस्या निर्माण होऊ शकतात.

जर स्त्रीला मासिक पाळी येत असेल तर तुळशीच्या रोपाला चुकूनही हात लावू नका आणि त्यावर आपली सावली पडू देऊ नका. यामुळे तुळशीचे रोप सुकून जाऊ शकते.

काही कारणाने तुळशीचे रोप सुकले तर इकडे तिकडे फेकू नका. एकतर त्याचे लाकूड योग्य ठिकाणी सुरक्षित ठेवा किंवा नदी किंवा तलावात वाहू द्या.