उन्हाळ्यात त्वचेवर दीर्घकाळ टिकेल मेकअप; फक्त या टिप्स करा फॉलो

मेकअप करण्याआधी चेहरा चांगल्या फेसवॉशने स्वच्छ धुणं गरजेचं आहे. त्वचेवर धूळ, ऑईल किंवा घाम असेल तर मेकअप व्यवस्थित बसत नाही. क्लिन्सिंगनंतर बर्फाने हलका मसाज करा. 

अनेक जण उन्हाळ्यात मॉइश्चरायझर टाळतात, पण ते चुकीचं आहे. त्वचा हायड्रेट ठेवण्यासाठी हलकं आणि ऑईल-फ्री मॉइश्चरायझर वापरणं गरजेचं असतं. तसेच स्किन टाइपनुसार हलकं मॉइश्चरायझर निवडा.

प्रायमर हा उन्हाळ्यातील मेकअपचा सर्वात महत्त्वाचा भाग मानला जातो. प्रायमरमुळे त्वचेवरील पोअर्स ब्लर होतात आणि मेकअपचा बेस अधिक स्मूथ दिसतो. घाम व ऑईलमुळे मेकअप पटकन खराब होत नाही. 

उन्हाळ्यात हेवी फाउंडेशन वापरल्यास चेहरा केकी दिसू शकतो. त्यामुळे बीबी क्रीम, सीसी क्रीम किंवा हलकं मॅट फाउंडेशन वापरणं अधिक योग्य ठरतं. हे प्रॉडक्ट्स त्वचेला नैसर्गिक लूक देतात. 

उन्हाळ्यात काजळ, आयलाइनर किंवा मस्कारा पसरण्याची शक्यता जास्त असते. वॉटरप्रूफ व स्मज-प्रूफ प्रॉडक्ट्स वापरणं उत्तम पर्याय ठरतो.यामुळे घाम आल्यानंतरही डोळ्यांचा मेकअप टिकतो.

उन्हाळ्यात चेहरा ऑयली दिसू लागल्यास वारंवार फेस पुसण्याऐवजी ब्लॉटिंग पेपर वापरा. यामुळे अतिरिक्त ऑईल कमी होतं आणि मेकअप खराब होत नाही. 

मेकअप पूर्ण झाल्यानंतर सेटिंग स्प्रे वापरणं विसरू नका. सेटिंग स्प्रे मेकअप लॉक करण्याचं काम करतो. त्यामुळे उष्णता आणि घामामुळे मेकअप लवकर खराब होत नाही. 

उन्हाळ्यात जास्त लेअर्स असलेला मेकअप टाळणं चांगलं. हलका आणि नैसर्गिक मेकअप चेहऱ्याला फ्रेश आणि ग्लोईंग लूक देतो. न्यूड शेड्स, हलका ब्लश मेकअप उन्हाळ्यासाठी परफेक्ट मानला जातो.