यंदा रक्षाबंघनाला भावाला बांधा स्वतः बनवलेली राखी; पाहा सोप्या आयडिया

रक्षाबंधन जवळ आलंय. यंदा भावाला स्वतःच्या हाताने बनवलेली राखी बांधा. यासाठी काही सोप्या आयडियाज आम्ही तुम्हाला सांगणार आहोत.

घरात असलेल्या रंगीबेरंगी टिकल्या वापरून तुम्ही सुंदर राखी बनवू शकता. एक छोटा गोल कार्डबोर्डचा तुकडा घ्या. त्याच्याभोवती या रंगीत टिकल्या चिकटवा. 

तुम्हाला फॅन्सी राखी बनवायची असेल तर रंगीबेरंगी खडे आणि मोती वापरा. एक जाड कागद किंवा कार्डबोर्ड गोल आकारात कापून घ्या. त्याच्या मध्यभागी एक मोती आणि आजूबाजूला रंगीत खडे चिकटवा.

राखी कोणत्याही रंगाची असो, त्यावर पांढरे खडे वापरल्यास डिझाइन जास्त उठून दिसतं. रंगीत बेसवर पांढऱ्या खड्यांची बॉर्डर लावा किंवा मध्यभागी सजावट करा. 

पांढऱ्या मोत्यांनी बनवलेली राखी दिसायला खूप सुंदर दिसते. लाल किंवा तुमच्या आवडीच्या रंगाच्या धाग्यामध्ये मोती ओवून घ्या. मध्यभागी सजवलेला भाग घट्ट चिकटवला की तुमची राखी तयार.

राखी आणखी सुंदर बनवायची असेल, तर हँड एम्ब्रॉयडरी राखी हा एक उत्तम पर्याय आहे. एका छोट्या गोल बेसवर रंगीत कापड गुंडाळा आणि त्यावर तुम्ही आधीच तयार केलेली एम्ब्रॉयडरी चिकटवा.