पहिल्यांदा साडी नेसताय? फॉलो करा या 5 स्टाईल हॅक्स

पहिल्यांदा साडी नेसण्याचा प्लॅन आहे? साडीच्या निऱ्या घालण्यापासून ते पदर सांभाळण्यापर्यंत, अनेक आव्हानं समोर असतात. पण काळजी करू नका, आम्ही आहोत ना!

तुम्ही पहिल्यांदाच साडी नेसणार असाल, तर या काही सोप्या टिप्स तुमच्यासाठीच आहेत. या टिप्समुळे तुम्ही अगदी परफेक्ट साडी नेसू शकाल.

पहिल्यांदा साडी नेसणाऱ्यांनी शिफॉन किंवा कॉटनसारखी हलकी साडी निवडावी. काही जणी कांजीवरम किंवा बनारसी साड्या निवडतात. पण या साड्या खूप जड असल्याने त्या सांभाळणं कठीण होतं.

साडीला पिन लावणं कधीच विसरू नका. नाहीतर साडी सांभाळणं खूप अवघड होऊ शकतं. साडी नेसताना ती व्यवस्थित पिन-अप करा. यामुळे तुमचा लूक एकदम नीटनेटका दिसतो.

जर तुम्हाला साडी नेसण्याची सवय नसेल, तर तुम्ही रेडी-टू-वेअर साडी घेऊ शकता किंवा आधीच निऱ्या (प्लिट्स) करून ठेवू शकता. यामुळे साडी नेसणं खूप सोपं होतं आणि लूकही परफेक्ट दिसतो.

अनेकदा महिला परकरकडे (पेटिकोट) दुर्लक्ष करतात. पण परकरमुळेच साडीला योग्य फिटिंग आणि आकर्षक लुक येतो. नेहमी फिटिंगचा आणि मॅचिंग रंगाचा परकर वापरा.

तुम्हाला साडीमध्ये युनिक लूक हवा असेल, तर ब्लाउजसोबत नवीन प्रयोग करा. स्पगेटी ब्लाउज, शर्ट स्टाईल ब्लाउज किंवा क्रॉप टॉप घालणं हा एक परफेक्ट पर्याय असू शकतो.

साडीसोबत दागिनेही तितकेच महत्त्वाचे आहेत. तुमच्या साडीच्या रंगाला जुळणारे दागिने निवडा. यामुळे तुम्ही सगळ्यांमध्ये उठून दिसाल आणि सेंटर ऑफ अट्रॅक्शन बनाल.