३ मार्चचे चंद्रग्रहण भारतातून दिसणार का? जाणून घ्या १२ खास गोष्टी!

वर्षातील पहिलं चंद्रग्रहण 3 मार्च 2026 रोजी आहे. हे खग्रास चंद्रग्रहण असेल. जेव्हा पृथ्वी सूर्य आणि चंद्राच्या मध्ये येते आणि तिची सावली चंद्रावर पडते, तेव्हा चंद्रग्रहण होते.

3 मार्च रोजी होणारं खग्रास चंद्रग्रहण भारतात खंडग्रास स्वरूपात दिसेल. त्यामुळे धार्मिक दृष्टिकोनातून भारतात या चंद्रग्रहणाचा सुतक काळ पाळला जाईल.

चंद्रग्रहणाची सुरुवात दुपारी 3 वाजून 20 मिनिटांनी होईल. पण त्यावेळी भारतात दिवस असल्यामुळे ग्रहण दिसणार नाही. भारतात संध्याकाळी 6.30 ते 6.45 या वेळेत चंद्रग्रहण पाहता येईल.

चंद्रग्रहणाचा सुतक काळ 9 तास आधी सुरू होतो. त्यामुळे भारतात 3 मार्चला सकाळी 9 वाजून 39 मिनिटांनी सुतक काळ सुरू होईल. संध्याकाळी 6 वाजून 46 मिनिटांनी ग्रहण संपताच सुतक काळही संपेल.

3 मार्चचं चंद्रग्रहण भारतातील बहुतांश भागांमध्ये दिसेल. पण भारतात चंद्रोदय होईल तेव्हा ग्रहणाचा शेवटचा टप्पा सुरू असेल. त्यामुळे भारतात 15 ते 25 मिनिटांसाठीच चंद्रग्रहण पाहता येईल.

3 मार्चचं चंद्रग्रहण भारतातील दिल्ली-एनसीआर, कोलकाता, चेन्नई, मुंबई, हैदराबाद, बंगळुरू, अहमदाबाद, पाटणा, भुवनेश्वर, गुवाहाटी, इम्फाळ, शिलाँग यांसारख्या अनेक शहरांमध्ये दिसेल.

हिंदू मान्यतेनुसार चंद्रग्रहणाच्या काळात जेवण बनवणं, खाणं निषिद्ध मानलं जातं. आधीच बनवलेल्या जेवणात तुळशीचं पान टाकलं जातं. लहान मुलं, वृद्ध, आजारी व्यक्तींना या नियमातून सूट आहे.

चंद्रग्रहणाच्या सुतक काळात गर्भवती महिला, वृद्ध, आजारी व्यक्तींनी काळजी घ्यावी. ज्योतिषशास्त्रानुसार, अशा लोकांनी घरातच राहावं, सुरी, कात्रीसारख्या धारदार वस्तूंपासून दूर राहावं.

3 मार्च रोजी होणारं चंद्रग्रहण उघड्या डोळ्यांनी पाहता येऊ शकतं. हे ग्रहण पाहण्यासाठी कोणत्याही विशेष चष्म्याची, दुर्बिणीची किंवा इतर खबरदारीची गरज नाही.

तुम्ही NASA, TimeandDate.com यांसारख्या प्लॅटफॉर्मवर चंद्रग्रहणाचं लाईव्ह स्ट्रीमिंग पाहू शकता. स्मार्टफोनवर https://www.youtube.com/watch?v=TywJ47LZ-Ic या लिंकद्वारेही लाईव्ह पाहा

ग्रहण संपल्यावर स्नान करून स्वच्छ कपडे घालावेत. घरात गंगाजल शिंपडावं. त्यानंतर देवी-देवतांचा अभिषेक करून विधीवत पूजा करावी आणि यथाशक्ती अन्न-धान्याचं दान करावं.

हे चंद्रग्रहण भारताव्यतिरिक्त आशिया, ऑस्ट्रेलिया आणि आफ्रिका खंडात दिसेल. याशिवाय, हे ग्रहण उत्तर आणि दक्षिण अमेरिका व प्रशांत महासागराच्या बहुतेक भागांमध्येही दिसेल.