रक्षाबंधन 2026: काही मिनिटांत तयार करा सुंदर हस्तनिर्मित राखी

घरात असलेल्या रंगीत बिंद्यांचा वापर करून आकर्षक राखी तयार करता येते. गोल कार्डबोर्डचा छोटा तुकडा घेऊन त्याभोवती वेगवेगळ्या रंगांच्या बिंद्या चिकटवा. 

राखीला थोडा फॅन्सी लुक द्यायचा असेल तर रंगीत स्टोन्स आणि मोत्यांची मदत घ्या. जाड कागद किंवा कार्डबोर्डचा गोल बेस तयार करून त्याच्या मध्यभागी मोती आणि आजूबाजूला रंगीत स्टोन्स लावा.

राखी कोणत्याही रंगाची असो, त्यावर पांढरे स्टोन्स वापरल्यास डिझाइन अधिक उठून दिसते. रंगीत बेसवर पांढऱ्या स्टोन्सची बॉर्डर किंवा मध्यभागी केलेली सजावट राखीला प्रीमियम लुक देऊ शकते

पांढऱ्या मोत्यांचा वापर करून तयार केलेली राखी दिसायला नाजूक आणि पारंपरिक वाटते. लाल किंवा इतर रंगाच्या सूती धाग्यात मोती ओवून घ्या आणि मध्यभागी तयार केलेला सजावटीचा भाग घट्ट चिकटवा

थोडी कलाकुसर करण्याची आवड असेल तर हँड एम्ब्रॉयडरीची राखी हा हटके पर्याय आहे. छोट्या गोल बेसला रंगीत कापडाने झाकून त्यावर आधीपासून तयार केलेली एम्ब्रॉयडरी लावता येते.