Baby Skin Care : बाळासाठी घरच्याघरी असा तयार करा खास फेसपॅक

नवजात बाळाची त्वचा खूप नाजूक असते. अनेकदा नवीन आया घाईघाईत बाळाच्या चेहऱ्याला साबण लावतात. पण साबणाच्या वापरामुळे त्वचा कोरडी (Dry) होते आणि तिला खाज किंवा जळजळ होऊ शकते.

बाळाच्या त्वचेचा pH लेव्हल वेगळा असतो. तुम्हाला बाळाची त्वचा नैसर्गिकरित्या मऊ, स्वच्छ आणि चमकदार ठेवायची असेल, तर घरगुती फेस पॅक वापरा. हे पॅक्स पूर्णपणे केमिकल-फ्री असतात.

१ चमचा कच्चं दूध, १ चमचा बेसन, चिमूटभर हळद आणि नारळ किंवा बदामाच्या तेलाचे २-३ थेंब एकत्र करून एक गुळगुळीत पेस्ट बनवा. 

जर तुमच्या बाळाची त्वचा खूप कोरडी असेल, तर बारीक दळलेल्या ओटमील पावडरमध्ये थोडं दूध मिसळून पेस्ट बनवा. ही पेस्ट हलक्या हाताने लावून ३-४ मिनिटांनी स्वच्छ करा. 

तुम्हाला कोणताही पॅक लावायचा नसेल, तर फक्त कोमट पाण्याने किंवा उकळून थंड केलेल्या पाण्याने चेहरा स्वच्छ करा. तुम्ही कापसाच्या बोळ्यावर दूध घेऊन त्यानेही चेहरा पुसू शकता. 

• फेस पॅक जास्त वेळ चेहऱ्यावर ठेवू नका.
• तीव्र सुगंध असलेली तेलं किंवा इसेन्शियल ऑइल वापरू नका.
• रोज नवीन प्रयोग करणं टाळा.
• बाळाचे डोळे आणि तोंडाजवळ काहीही लावू नका.

बाळाच्या त्वचेचा रंग बदलण्यासाठी कोणताही घरगुती उपाय करू नका. प्रत्येक बाळाचा स्किन टोन वेगळा आणि नैसर्गिक असतो. तुमचं लक्ष फक्त बाळाची त्वचा निरोगी आणि मऊ ठेवण्यावर असायला हवं.