अख्खं फूल कशाला? या 6 फुलांच्या पाकळ्यांनी करा सुंदर हेअरस्टाईल

अख्खं फूल लावण्याऐवजी अभिनेत्री अशनूर कौरप्रमाणे तुम्ही वेणीमध्ये गुलाबाच्या पाकळ्या वापरू शकता. यासाठी पाकळ्या धाग्यात ओवून त्याची एक माळ तयार करा आणि केसांमध्ये लावा. 

तुम्ही केसांचा अंबाडा (बन) घालणार असाल, तर त्यावर अख्खं फूल लावण्याऐवजी गुलाबाच्या पाकळ्या बन नेटला जोडून केसांना लावा. यामुळे तुमचा लूक अधिक सुंदर दिसेल.

जांभळ्या रंगाच्या फुलांच्या पाकळ्या तोडून त्या धाग्यात ओवून घ्या. त्यानंतर फिशटेल वेणीच्या दोन्ही बाजूंना लावा. यामुळे तुमची हेअरस्टाईल खूपच आकर्षक दिसेल.

कार्नेशन फुलांच्या पाकळ्यांना अनेक लेअर्स असतात. त्यामुळे मोकळ्या केसांमध्ये किंवा मेसी बनमध्ये या पाकळ्या सहज लावता येतात आणि त्या खूप सुंदर दिसतात.

तुम्ही केसांमध्ये कमळाच्या पाकळ्यांचाही वापर करू शकता. या पाकळ्यांचा आकार मोठा असल्यामुळे तुमच्या आवडीनुसार त्या केसांमध्ये सहज लावता येतात.

केसांमध्ये तुम्ही फक्त झेंडूचं फूलच नाही, तर त्याच्या पाकळ्याही वापरू शकता. या पाकळ्या केसांना चिकटून राहाव्यात यासाठी तुम्हाला ग्लूचा (गम) वापर करावा लागेल.