हिवाळ्यात प्रतिकारशक्ती वाढवेल दिपीका पादुकोणचा आवडता टोमॅटो रसम

बॉलीवुड अभिनेत्री दीपिका पादुकोण मुळची दक्षिण भारतातील रहिवासी आहे. तिला दक्षिण भारतीय पाककृती खुप आवडतात. राईस रसम तिच्या आवडीचा पदार्थ आहे.

टोमॅटो: ३-४, चिंचेचा कोळ: एक मोठा चमचा, पाणी: ३ कप, हळद पावडर:१/४ चमचा, रसम पावडर: २ चमचे, गूळ: १ चमचा, मीठ चवीनुसार

तुप किंवा तेल: १ मोठा चमचा, मोहरी:१/२ चमचे, जीरा १/२ चमचे, सुकी लाल मिरची:२, लसुन:२ कांड्या, कडी पत्ता:६-८ पानं, हिंग- एक चुटकी, हिरवी कोथिंबीर: सजावटीसाठी

टोमॅटो रसमसाठी टोमॅटोंना १ कप पाण्यात ५-७ मिनिटासाठी शिजवा. नरम झाल्यानंतर गॅस बंद करा. त्यांना थंड होऊ द्या व टोमॅटोला पातळ करून घ्या. बिया व आवरण काढण्यासाठी प्युरीला गाळुन घ्या.

एका भांड्यात टोमॅटोची प्युरी, चिंचेचे पल्प आणि २ कप पाणी टाका. हळद पावडर, रसम पावडर आणि गूळ टाका. याला मध्यम आचेवर ८-१० मिनिटांपर्यंत शिजवा.

छोट्या तव्यावर तुप गरम करा. त्यात राई टाका आणि त्यांना फुटू द्या. नंतर जिरे, कुटलेला लसुन, सुकी लाल मिरची, कढी पत्ता, काळी मिरची आणि एक चुटकी हिंग टाका, २० सेकंदाकरीत गरम होऊ द्या.

तडका रसमच्यावर टाका. आवश्यकतेनुसार मीठ टाका आणि कोथिंबीरीच्या पानांनी सजवा. हिवाळ्यात याला गरमा गरम सुपच्या रुपात किंवा शिजवलेल्या तांदुळासोबत एक चमचा तुपासोबत सेवन करावे.