नीर डोसा तयार करताना लक्षात ठेवा या टिप्स, होईल लुसलुशीत

नीर डोसा तोंडात टाकताच विरघळायला हवा असेल, तर या टिप्स नक्की फॉलो करा. तांदूळ वाटण्यापूर्वी किमान ४-५ तास भिजत ठेवा. तरच डोसा परफेक्ट बनेल.

नीर डोसा अतिशय मऊ होण्यासाठी सोना मसुरी किंवा इतर कोणताही बारीक तांदूळ वापरणे चांगले. जाड तांदळाचे डोसे तितके मऊ होत नाहीत.

पीठ दुधासारखे पातळ आणि गुठळ्या नसलेले असावे. जर पीठ घट्ट असेल, तर जाळीदार नीर डोसा बनवणे अजिबात शक्य होणार नाही.

नेहमीच्या डोशासारखे पळीने पीठ तव्यावर पसरवू नका. तव्यावर पीठ फक्त गोलाकार ओता, ते आपोआप पातळ पसरले जाईल.

तव्यावर पीठ ओतल्याबरोबर डोशावर झाकण ठेवा. त्या वाफेमुळे डोसा चांगला शिजतो आणि अतिशय मऊ होतो.