Hairbrush Cleaning Hacks: 1 मिनिटात कंगवा स्वच्छ, गृहिणींसाठी 5 हॅक्स

आपण अनेकदा आपला कंगवा किंवा हेअरब्रश साफ करायला विसरतो. घरातील काही सोप्या वस्तू वापरून तुम्ही फक्त 1 मिनिटात कंगवा स्वच्छ करू शकता. चला, जाणून घेऊया 5 सोपे हेअरब्रश क्लिनिंग हॅक्स

कंगव्यात खूप केस आणि धूळ अडकली असेल, तर एक जुना टूथब्रश वापरा. आधी कंगव्यात अडकलेले केस हाताने काढा. त्यानंतर टूथब्रशने कंगव्याच्या दातांमध्ये अडकलेली घाण स्वच्छ करा.

शॅम्पू जसा केसांमधली घाण काढतो, तसाच तो कंगवा देखील स्वच्छ करू शकतो. एका भांड्यात पाणी आणि थोडा शॅम्पू एकत्र करा. त्यात कंगवा घालून हातांनी घासून धुवा. तुमचा कंगवा एकदम नवा दिसेल.

कंगवा खोलवर स्वच्छ करण्यासाठी बेकिंग सोडा खूप प्रभावी आहे. एका भांड्यात कोमट पाणी घ्या त्यात 1 चमचा बेकिंग सोडा मिसळा. कंगवा 5 मिनिटं त्यात बुडवून ठेवा नंतर स्वच्छ पाण्याने धुवा.

कंगव्यामध्ये बॅक्टेरिया जमा होऊ शकतात. ते नष्ट करण्यासाठी पांढरं व्हिनेगर हा एक चांगला उपाय आहे. अर्धा कप पाण्यात थोडं व्हिनेगर मिसळा,  कंगवा 3-4 मिनिटं त्यात बुडवून ठेवा.

कंगव्याच्या दातांमध्ये केस जास्त अडकले असतील, तर सेफ्टी पिन किंवा टूथपिकच्या मदतीने ते सहज काढता येतात. ही पद्धत विशेषतः हेअरब्रशसाठी खूप उपयोगी ठरते.

• आठवड्यातून किमान एकदा कंगवा नक्की स्वच्छ करा.
• प्लॅस्टिकचा कंगवा पाण्यात धुवू शकता, पण लाकडी कंगवा जास्त वेळ पाण्यात ठेवू नका.
• कंगवा स्वच्छ केल्यानंतर तो पूर्णपणे कोरडा होऊ द्या.