अनेक समस्या होतात दूर

चेहऱ्याचं सौंदर्य जपण्यासाठी कोरफडीचा वापर शतकानुशतके केला जातोय. योगगुरू बाबा रामदेव यांच्या मते, रोज चेहऱ्याला कोरफड लावल्यास त्वचेच्या अनेक समस्या दूर होतात.

कोरफड जेल त्वचेच्या आतपर्यंत पोहोचून ओलावा देतं. ते त्वचेत सहजपणे शोषलं जातं आणि कोणताही चिकटपणा न ठेवता दीर्घकाळ हायड्रेशन टिकवून ठेवायला मदत करतं.

वारंवार मुरुमं येत असतील, तर कोरफड जेल उत्तम औषध आहे. त्यातील अँटी-बॅक्टेरियल आणि अँटी-इन्फ्लेमेटरी गुणधर्म मुरुमांना कारणीभूत असलेले बॅक्टेरिया नष्ट करतात आणि त्वचा स्वच्छ करतात.

उन्हात फिरल्यामुळे त्वचा काळवंडली असेल किंवा चेहऱ्यावर जळजळ होत असेल, तर कोरफड लावणं फायदेशीर ठरतं. खराब झालेल्या त्वचेला थंडावा देतं, त्वचेचा लालसरपणा व सूज कमी करण्यास मदत करतं.

तुमची त्वचा खूप कोरडी होत असेल, तर कोरफड जेलमध्ये थोडं खोबरेल तेल मिसळून चेहऱ्याला लावा आणि मसाज करा. यामुळे कोरड्या त्वचेची समस्या दूर होते आणि चेहरा उजळायला लागतो.