जुन्या बांगड्या फेकू नका, कपड्यांपासून ते घर सजवण्यासाठी असा करा वापर

तुमच्याकडे जुनी मेटलची बांगडी असेल, तर तुम्ही त्यापासून नेकलेस बनवू शकता. बांगड्या कापून एकाच आकारात आणा आणि ग्लूच्या मदतीने जोडा. त्यावर मोती किंवा खडे लावू शकता.

तुमच्याकडे मेटलची बांगडी असेल, तर त्यावर धागा गुंडाळून एक बेस तयार करा. मग त्यावर खडे, कुंदन चिकटवा. यातून एक जाड आणि सुंदर कडं तयार होईल, जे तुम्ही कोणत्याही ड्रेसवर घालू शकता.

रंगीत काचेच्या बांगड्यांनी तुम्ही तुमची साधी बॅग सजवू शकता. बांगड्यांचे समान तुकडे करून ते ग्लूच्या मदतीने फोटोत दाखवल्याप्रमाणे चिकटवा. तुमची एक नवीन आणि ट्रेंडी बॅग तयार होईल.

तुमच्याकडे एखादा प्लेन सूट असेल, तर तुम्ही त्याला बांगड्यांनी सजवू शकता. फॅब्रिक ग्लूच्या मदतीने रंगीबेरंगी बांगड्या फुलांच्या किंवा चौकोनी पॅटर्नमध्ये चिकटवून छान डिझाइन तयार करा.

काचेच्या बांगड्या तोडून तुम्ही तुमच्या साध्या लॅम्पला कलरफुल बनवू शकता. ग्लूच्या मदतीने फोटोत दाखवल्याप्रमाणे बांगड्यांचे तुकडे चिकटवा. दिव्याच्या खाली बांगड्यांचा बेस तयार करा.

तुम्हाला कलेची आवड असेल, तर तुम्ही तुमच्या पेंटिंगमध्ये बांगड्यांचा अशाप्रकारे वापर करून एक सुंदर डेकोर पीस तयार करू शकता. यामुळे तुमच्या कलेला एक वेगळाच टच मिळेल.