घनदाट केसांसाठी सुपरफूड्स

तुम्हालाही लांबसडक आणि घनदाट केस हवे आहेत का? मग तुमच्या रोजच्या आहारात या खास पदार्थांचा नक्की समावेश करा.

अंडी प्रथिनांचा उत्तम स्रोत. केस 'केराटिन' नावाच्या प्रथिनापासून बनतात. अंड्यांमध्ये बायोटिन (व्हिटॅमिन बी ७), झिंक, सेलेनियम भरपूर प्रमाणात असते, जे केसांच्या वाढीसाठी आवश्यक आहे.

पालक लोह, फोलेट आणि व्हिटॅमिन ए व सी ने समृद्ध असतो. लोह रक्तातील लाल पेशींद्वारे केसांच्या मुळांपर्यंत ऑक्सिजन पोहोचवण्याचे काम करते, ज्यामुळे केसांची वाढ चांगली होते.

तुम्ही रोज एक आवळा खाल्ला पाहिजे. आवळा केसांच्या मुळांभोवती कोलेजनचे उत्पादन वाढवतो. तसेच तो ऑक्सिडेटिव्ह स्ट्रेस कमी करून केसांना निरोगी ठेवण्यास मदत करतो.

सार्डिन, मॅकरेल आणि सॅल्मन यांसारखे मासे ओमेगा-३ फॅटी ॲसिड, प्रथिने आणि व्हिटॅमिन डी ३ ने परिपूर्ण असतात. हे घटक टाळूचा ओलावा टिकवून ठेवतात आणि केसांची वाढ वेगाने करतात.

बदाम, शेंगदाणे, भोपळ्याच्या बिया, जवस (फ्लॅक्स सीड्स) आणि तीळ यांचा आहारात समावेश करा. या पदार्थांमध्ये व्हिटॅमिन ई, झिंक आणि ओमेगा-३ फॅटी ॲसिड भरपूर प्रमाणात असते.

रताळ्यामध्ये बीटा-कॅरोटीन मुबलक प्रमाणात असते. आपले शरीर या बीटा-कॅरोटीनचे रूपांतर व्हिटॅमिन ए मध्ये करते. यामुळे टाळूचे आरोग्य सुधारते आणि केसांचा कोरडेपणा दूर होतो.