बाऊन्सी वुल्फ कट: केस गळतायत? बाऊन्सी लूकसाठी वुल्फ कट ट्राय करा

वुल्फ हेअरकटमध्ये केसांमध्ये वरपासून खालपर्यंत छोटे-छोटे लेअर्स दिले जातात. यात खालचे केस थोडे लांब ठेवले जातात, ज्यामुळे केस दाट आणि बाऊन्सी दिसतात.

वुल्फ हेअरकटचं सर्वात मोठं वैशिष्ट्य म्हणजे हा कट जवळपास प्रत्येक फेस कटवर चांगला दिसतो. हा हेअरकट 'शॅग' (shag) आणि 80 च्या दशकातील 'मलेट' (mullet) या हेअरकटचं आधुनिक व्हर्जन आहे.

वुल्फ हेअरकट हा लो-मेंटेनन्स असतो. म्हणजेच, तुम्हाला वारंवार केसांची स्टाईलिंग करण्याची गरज नसते. याचा मेसी लूकच याला सर्वात युनिक बनवतो.

जर तुमचे केस छोटे आणि पातळ असतील, तर तुम्ही अशा प्रकारचा शॉर्ट वुल्फ कट करू शकता. यामध्ये समोरच्या केसांना बँग्जसारखा (bangs) लूक दिला जातो आणि खाली लेअर्स ठेवले जातात.

कलर केलेल्या केसांवर वुल्फ कट खूपच मॉडर्न आणि बोल्ड लूक देतो. जर तुमचे केस ब्लॉन्ड किंवा लाल रंगाचे असतील, तर तुम्ही अशाप्रकारे फ्रिंज (fringe) असलेला वुल्फ हेअरकट करू शकता.

वुल्फ हेअरकट सरळ (straight), वेव्ही (wavy) आणि हलक्या कुरळ्या (curly) केसांवरही छान दिसतो. तुम्ही केस बांधून समोरच्या बाजूला फ्लिक्स (flicks) काढून मागे हाफ-बन घालू शकता.

वुल्फ कटमध्ये हेअरस्टाईल करण्यासाठी तुम्ही समोर फ्लिक्स काढून केसांचा मधून भांग पाडा. त्यानंतर दोन्ही बाजूंना छोटे-छोटे बन घालून क्यूट आणि मॉडर्न लूक मिळवू शकता.