त्वचेला येईल Golden Glow, पपईपासून तयार करा हे 5 होममेड फेस पॅक

पपईमध्ये जीवनसत्त्व क, जीवनसत्त्व अ, फायबर, पपेन, पोटॅशियम आणि अँटिऑक्सिडंट्स असतात. हे नैसर्गिक ब्युटी टॉनिक म्हणून काम करते.

पेशी रिक्रिएट करण्यास पपई मदत करते. याशिवाय त्वचा मऊसर आणि चमकदार होण्यासही फायदा होतो. खासकरुन याचा फेस पॅक आठवड्यातून दोनदा चेहऱ्याला लावू शकता. 

पपईमध्ये दही मिसळा. पेस्ट चेहऱ्यावर आणि मानेवर समान रीतीने लावा. १५-२० मिनिटे राहू द्या आणि पाण्याने धुवा. त्वचेला एक्सफोलिएट आणि हायड्रेट करते, ज्यामुळे नैसर्गिक चमक येते.

मॅश केलेल्या पपईमध्ये एक छोटा चमचा मध मिसळा. चेहऱ्यावर लावा आणि १५ मिनिटे राहू द्या. नंतर धुवा. मध त्वचेला अतिरिक्त ओलावा देतो आणि त्यात अँटीबॅक्टीरियल गुणधर्म देखील असतात.

मॅश केलेल्या पपईमध्ये दही, हळद आणि दही मिसळा. पेस्ट चेहऱ्यावर लावा आणि १०-१५ मिनिटे राहू द्या. नंतर चांगले धुवा. त्वचेला उजळ करते आणि काळे डाग कमी करण्यास मदत करते.

पपईमध्ये दही आणि ओट्स मिसळून गुळगुळीत पेस्ट बनवा. चेहऱ्यावर लावा आणि हलक्या हाताने गोलाकार मसाज करा. १५ मिनिटांनी धुवा. यामुळे डेड स्किन निघून जाते. 

पिकलेल्या पपईमध्ये दही आणि लिंबाचा रस मिसळून पेस्ट बनवा. पेस्ट बनवून चेहऱ्यावर लावा, विशेषतः डाग किंवा पिग्मेंटेशन असलेल्या भागांवर. १० मिनिटांनी धुवा. यामुळे डाग कमी होतात.

हे फेस मास्क आठवड्यातून १-२ वेळा वापरून पहा आणि फरक स्वतः पहा.

संवेदनशील त्वचा असलेल्यांनी प्रथम पॅच चाचणी करूनच हे फेसमास्क लावावे. दही आणि लिंबू काहींना सूट होत नाही.