Asianet News Marathi

Entertainment: मुलीच्या डेटिंगबद्दल बोल्ड स्टेटमेंट केल्याने कियार झाली ट्रोल!

Marathi Desk 1 — Sat, 16 May 2026 21:55:00 +0530

Entertainment: माझ्या मुलीला मी पूर्ण स्वातंत्र्य देईन. तिला हवं तितक्या मुलांसोबत डेट करू देईन. डेटिंग करताना पुढे काय होईल, याची चिंता तिला नसावी, असं वक्तव्य अभिनेत्री कियारा अडवाणीने केलं आहे.

'टॉक्सिक' (Toxic) या सिनेमाची अभिनेत्री कियारा अडवाणी म्हणाली की, ती तिच्या मुलीच्या डेटिंग किंवा लग्नाच्या बाबतीत कोणतीही बंधनं घालणार नाही. कियारा म्हणाली, "माझे आई-वडील त्यांच्या आयुष्यात भेटलेल्या पहिल्याच व्यक्तीच्या प्रेमात पडले आणि त्यांनी लग्न केलं."ते पाहूनच मी मोठी झाले. त्यामुळे मी ज्या पहिल्या मुलाला डेट करत होते, त्यालाच मी माझा लाईफ पार्टनर म्हणून बघत होते. त्यानंतरही मी ज्यांना डेट केलं, त्या प्रत्येकाकडे त्याच नजरेने पाहिलं. पण अखेर माझं लग्न दुसऱ्याच व्यक्तीसोबत झालं.आता मला वाटतं की जे झालं ते किती चांगलं झालं. मी माझ्या मुलीला पूर्ण स्वातंत्र्य देईन. तिला हवं तितक्या मुलांसोबत डेट करू देईन. डेटिंग करताना पुढे काय होईल, याची चिंता तिला नसावी.अनेक पर्याय पाहिल्यानंतर तिने योग्य व्यक्तीलाच आपला लाईफ पार्टनर म्हणून निवडावं, असं बोल्ड स्टेटमेंट कियाराने दिलं आहे. 'माझ्या मुलीने तिचं आयुष्य पूर्णपणे अनुभवावं, अशी माझी इच्छा आहे,' असंही ती म्हणाली.माझ्यासारखं तिने लोकांना खूश करण्यासाठी स्वतःच्या आनंदाचा त्याग करू नये. तिला जे वाटतं ते थेट बोलण्याचं धाडस तिच्यात असावं. तिने सगळ्या गोष्टी न घाबरता शेअर कराव्यात. मी माझ्या मुलीला असंच वाढवेन, असं कियाराने सांगितलं.

Shehnaaz Gill: सिद्धार्थ शुक्ला नंतर 'या' क्रिकेटरच्या प्रेमात? डेटिंगच्या चर्चांना उधाण

vivek panmand — Fri, 15 May 2026 23:30:26 +0530

Shehnaaz Gill Dating Rumours: टीव्ही इंडस्ट्रीतील लोकप्रिय अभिनेत्री शहनाज गिल तिच्या वैयक्तिक आयुष्यामुळे नेहमीच चर्चेत असते. सिद्धार्थ शुक्लाच्या निधनानंतर चाहते शहनाजच्या आयुष्यावर बारकाईने लक्ष ठेवून आहेत. शहनाजने नेहमीच आपल्या कामावर आणि करिअरवर लक्ष केंद्रित केलं आहे, पण आता पुन्हा एकदा तिच्या डेटिंगच्या चर्चांना सोशल मीडियावर सुरुवात झाली आहे. दावा केला जातोय की, शहनाज गिल पुन्हा एकदा प्रेमात पडली असून तिचं नाव क्रिकेटर देवदत्त पडिक्कलसोबत जोडलं जात आहे.

आयपीएल 2026 मध्ये देवदत्त पडिक्कलची शानदार कामगिरी

देवदत्त पडिक्कल सध्या आयपीएल 2026 मध्ये शानदार कामगिरी करत आहे. तो रॉयल चॅलेंजर्स बंगळूरूकडून खेळत असून आपल्या बॅटिंगने सर्वांचं लक्ष वेधून घेत आहे. नुकत्याच झालेल्या एका सामन्यातही त्याने उत्तम खेळी करून चाहत्यांची मनं जिंकली. अशातच आता त्याचं नाव शहनाज गिलसोबत जोडलं जाऊ लागलं आहे.

शहनाज गिल-देवदत्त पडिक्कलच्या डेटिंगच्या चर्चा का सुरू आहेत?

सोशल मीडियावर असा दावा केला जात आहे की, शहनाज गिल आणि देवदत्त पडिक्कल एकमेकांना डेट करत आहेत. अर्थात, या बातम्यांना कोणताही अधिकृत दुजोरा मिळालेला नाही. असं म्हटलं जातंय की, आयपीएल सामन्यांदरम्यान शहनाजची उपस्थिती आणि काही सोशल मीडिया ॲक्टिव्हिटीनंतर लोकांनी त्यांच्या नात्याबद्दल अंदाज बांधायला सुरुवात केली आहे.

शहनाज गिलच्या फोटोंमुळे चर्चा वाढली

जेव्हा शहनाज गिलने सोशल मीडियावर मॅचशी संबंधित काही फोटो आणि व्हिडीओ शेअर केले, तेव्हा या चर्चांना आणखी जोर आला. यानंतर चाहत्यांनी म्हणायला सुरुवात केली की, शहनाज गिल देवदत्त पडिक्कलला सपोर्ट करण्यासाठी तिथे पोहोचली होती. अर्थात, अभिनेत्रीने या दाव्यांवर अद्याप कोणतंही उत्तर दिलेलं नाही.

सोशल मीडियावर शहनाजच्या चाहत्यांमध्ये दोन गट

शहनाज गिलबाबत सुरू असलेल्या या बातम्यांनंतर सोशल मीडियावर तिचे चाहते दोन गटांमध्ये विभागले गेले आहेत. काही लोक शहनाजला पाठिंबा देत आहेत आणि त्यांचं म्हणणं आहे की, तिला तिच्या आयुष्यात पुढे जाण्याचा पूर्ण हक्क आहे. तर काही जण या बातम्यांवर नाराजी व्यक्त करत आहेत.

याआधी राघव जुयालसोबतही जोडलं गेलं होतं नाव

ही पहिलीच वेळ नाही की शहनाज गिलचं नाव कोणत्या स्टारसोबत जोडलं गेलं आहे. याआधी तिचं नाव राघव जुयालसोबतही जोडलं गेलं होतं. त्यावेळी शहनाज गिलने स्पष्ट केलं होतं की, राघव जुयाल तिचा फक्त एक चांगला मित्र आहे आणि त्यांच्यात तसं काहीही नाही.

चाहत्यांना शहनाजला आनंदी बघायचं आहे

चाहत्यांचा एक मोठा वर्ग असाही आहे, ज्यांना फक्त शहनाज गिलला आनंदी बघायचं आहे. अनेक जण म्हणत आहेत की, शहनाजने तिच्या आयुष्यात पुढे जावं आणि जो काही निर्णय घेईल, त्यात आनंदी राहावं. सोशल मीडियावर अनेक चाहते तिला सतत पाठिंबा देताना दिसत आहेत.

सिद्धार्थ शुक्लाबाबतही चर्चा सुरू

सोशल मीडियावर काही लोक असंही म्हणत आहेत की, शहनाज गिल आता अखेर सिद्धार्थ शुक्लाच्या आठवणींमधून पुढे जात आहे. मात्र, शहनाजने कधीही तिच्या खासगी आयुष्याबद्दल उघडपणे भाष्य केलेलं नाही. याच कारणामुळे तिच्या नात्यांबद्दल अनेकदा अफवा समोर येत असतात.

अद्याप कोणतंही अधिकृत वक्तव्य नाही

सध्या शहनाज गिल आणि देवदत्त पडिक्कल यांच्या डेटिंगच्या बातम्यांवर दोघांपैकी कोणीही अधिकृतपणे काहीही सांगितलेलं नाही. सोशल मीडियावर व्हायरल झालेले फोटो आणि चाहत्यांच्या अंदाजांवरूनच या चर्चांना जोर आला आहे. त्यामुळे जोपर्यंत दोघेही समोर येऊन काही सांगत नाहीत, तोपर्यंत या बातम्यांना केवळ अफवा मानलं जात आहे.

Madhuri Dixit House : माधुरीचं ४८ कोटींचं घर, M.F. हुसैन यांच्या पेटिंग्सह पाहा आलिशान घराची झलक

Chanda Mandavkar — Fri, 15 May 2026 08:24:12 +0530

माधुरी दीक्षितच्या वाढदिवसानिमित्त तिच्या कोट्यवधींच्या मुंबईतील घराची खास सफर करूया. पती श्रीराम नेने यांच्यासोबत तिने हे घर सजवलं आहे. या घरात एम. एफ. हुसैन यांची कोट्यवधींची दुर्मिळ चित्रं आहेत. चला, पाहूया या घराची एक झलक.माधुरी आणि श्रीराम नेने यांचं मुंबईतील हे घर ५,५०० चौरस फुटांमध्ये पसरलेलं आहे. घरात शांत, मोकळं आणि प्रसन्न वाटावं अशी रचना केली आहे. मोठ्या खिडक्यांमधून घरात भरपूर नैसर्गिक प्रकाश येतो आणि अरबी समुद्राचं सुंदर दृश्य दिसतं. घराची सजावट अगदी साधी पण आकर्षक आहे. या घरात प्रसिद्ध चित्रकार एम. एफ. हुसैन यांच्या अमूल्य पेंटिंग्जचा संग्रह आहे. माधुरी आणि हुसैन यांच्यात एक खास नातं होतं. घरात १९९५ साली तयार केलेली 'डान्सिंग वुमन' आणि 'गणपती' ही दुर्मिळ चित्रं आहेत.या घराचा प्रत्येक कोपरा कला आणि संस्कृतीने सजलेला आहे. घरात प्रवेश करताच पाहुण्यांचं स्वागत एका सुंदर डिझायनर कन्सोल आणि हुसैन यांच्या 'गणपती' पेंटिंगने होतं. लिव्हिंग रूमला लागूनच डायनिंग एरिया आहे, जिथे 'डान्सिंग वुमन' हे प्रसिद्ध चित्र लावलेलं आहे. माधुरीने एका मुलाखतीत सांगितलं होतं की, 'आपलं घर कलेचं संग्रहालय व्हावं', असं स्वप्न हुसैन यांनी पाहिलं होतं. ती भावनिक आठवण या घरातल्या प्रत्येक पेंटिंगमधून दिसते.

हे घर दिसायला आलिशान असलं तरी तेवढंच आपुलकीचं वाटतं. लिव्हिंग रूममध्ये गडद रंगाचे सोफे, सुंदर खुर्च्या आणि आकर्षक लाईटिंग आहे. घरात एक खास म्युझिक रूम आहे, जिथे गिटार, ड्रम्स आणि एक मोठी पियानो आहे. याशिवाय, एक ऑटोमेटेड बार आणि होम थिएटर सेटअपही आहे. मुंबईच्या समुद्रकिनाऱ्याकडे तोंड असलेला मास्टर बेडरूम शांत आणि आरामदायी वाटावा असा डिझाइन केला आहे. इथलं मार्बल फ्लोअरिंग आणि लाकडी छत यामुळे एक वेगळाच फील येतो.

Panchayat Season 5 Update : पुन्हा एकदा फुलेरामध्ये रमणार मन, 'पंचायत'च्या ५व्या सीझनची जोरदार चर्चा!

Chanda Mandavkar — Mon, 18 May 2026 11:45:56 +0530

Panchayat Season 5 Update : पंचायतच्या ५व्या सीझनची जोरदार चर्चा सुरू झाली आहे. नीना गुप्ता आणि जितेंद्र कुमार पुन्हा एकदा फुलेराच्या गोष्टीसह परतत आहेत.

लोकप्रिय OTT सीरिज 'पंचायत' पुन्हा एकदा चर्चेत आली आहे. रिपोर्ट्सनुसार, सीझन ५ ची तयारी आधीच सुरू झाली आहे. आपल्या साध्या कथानकासाठी आणि लोकांना भावणाऱ्या विनोदासाठी ओळखली जाणारी ही सीरिज आजही भारत आणि परदेशात प्रचंड लोकप्रिय आहे. या नव्या अपडेटमुळे प्रेक्षकांमध्ये उत्साहाचं वातावरण आहे.

प्राइम व्हिडिओवरील या सीरिजचे चाहते पुढच्या सीझनच्या अधिकृत घोषणेची आतुरतेने वाट पाहत आहेत. सोशल मीडियावर चर्चा आणि अपडेट्स फिरत असले तरी, निर्माते किंवा प्लॅटफॉर्म लवकरच 'पंचायत सीझन ५' बद्दल ठोस माहिती देतील अशी प्रेक्षकांना आशा आहे. दिवसेंदिवस ही उत्सुकता वाढतच चालली आहे.

अॅमेझॉन प्राइम व्हिडिओच्या नव्या भारतीय कंटेंट लाइनअपमध्ये या आगामी सीझनचा समावेश करण्यात आला आहे. प्रदर्शनाची नेमकी तारीख जाहीर झाली नसली तरी, ही सीरिज २०२६ मध्ये परत येईल याची पुष्टी प्लॅटफॉर्मने केली आहे. आधीच्या सीझन्सप्रमाणेच, 'पंचायत सीझन ५' केवळ प्राइम व्हिडिओवरच स्ट्रीम करण्यासाठी उपलब्ध असेल.

सीरिजचा आत्मा तोच राहणार आहे. जितेंद्र कुमार इंजिनिअरिंग ग्रॅज्युएट ते पंचायत सचिव बनलेल्या अभिषेक त्रिपाठीच्या भूमिकेत परतणार आहे. त्याच्यासोबतच नीना गुप्ता, रघुबीर यादव, सान्विका, फैजल मलिक आणि चंदन रॉय हे कलाकारही आपापल्या भूमिकांमध्ये दिसतील, ज्यामुळे फुलेराची मजा पुन्हा एकदा अनुभवायला मिळेल.

पुढच्या सीझनमध्ये काय असेल?

कथानकाविषयी अजून कोणतीही माहिती समोर आलेली नसली तरी, विनोद, भावना आणि ग्रामीण साधेपणाने भरलेल्या आणखी एका 'स्लाइस-ऑफ-लाइफ' कथेची प्रेक्षकांना अपेक्षा आहे. मागील सीझन्स पाहता, 'पंचायत सीझन ५' मध्येही मनाला भिडणारी कथा आणि दमदार पात्रं पाहायला मिळतील, ज्यांनी या सीरिजला प्रेक्षकांमध्ये लोकप्रिय बनवलं.

Salman Khan: वडिलांसाठी कर्ज काढून घेतलं ९ लाखांचं घड्याळ; म्हणाला, 'माझ्याकडे पैसे नव्हते...'

vivek panmand — Sun, 17 May 2026 16:00:01 +0530

बॉलिवूडचा सुपरस्टार सलमान खान नेहमीच आपल्या कुटुंबाच्या खूप जवळ राहिला आहे. कोट्यवधींची कमाई करूनही तो आजही मुंबईतील गॅलेक्सी अपार्टमेंटमध्ये आपल्या आई-वडिलांसोबत राहतो. नुकत्याच दिलेल्या एका मुलाखतीत सलमानने त्याचे वडील सलीम खान यांच्याशी संबंधित एक भावनिक आणि रंजक किस्सा सांगितला. चित्रपटांमध्ये आल्यानंतर पहिली महागडी वस्तू त्याने स्वतःसाठी नाही, तर वडिलांसाठी खरेदी केली होती. सलमानने खुलासा केला की, त्याने त्यावेळी कर्ज काढून वडिलांना रोलेक्स घड्याळ भेट दिलं होतं. सोबतच, त्याने आपल्या घड्याळांच्या कलेक्शनबद्दलही मोकळेपणाने गप्पा मारल्या.

सलमान खान म्हणाला - 'माझ्याकडे पैसे नव्हते, तरीही बाबांसाठी Rolex घेतलं'

सलमान खानने 'व्हरायटी इंडिया'ला दिलेल्या मुलाखतीत सांगितलं, "मी पहिली महागडी वस्तू माझ्या वडिलांसाठी रोलेक्स घड्याळ खरेदी केली होती. नंतर जेव्हा मी पुन्हा घड्याळं घालायला सुरुवात केली, तेव्हा त्यांनी तेच घड्याळ मला वापरायला दिलं." सलमान पुढे म्हणाला, “जेव्हा मी ते घड्याळ घेतलं, तेव्हा माझ्याकडे पूर्ण पैसे नव्हते. मला ते बाबांसाठी खूप आवडलं होतं. त्यावेळी त्याची किंमत जवळपास ९ लाख रुपये होती. माझ्याकडे फक्त ४ लाख होते, बाकीचे पैसे मी कर्ज काढून दिले होते.”

सलमान खानवर नाराज झाले होते वडील सलीम खान

सलमानने सांगितलं की, जेव्हा त्याने हे महागडं घड्याळ वडिलांना दिलं, तेव्हा सुरुवातीला सलीम खान खूश नव्हते. सलमानच्या म्हणण्यानुसार, "बाबा मला म्हणाले होते - तू अजून नीट काम करायला सुरुवातही केली नाहीस आणि एवढ्या महागड्या वस्तू खरेदी करू लागला आहेस. स्वतःला कोणी राजा समजतोस का?" पण नंतर सलीम खान यांना ते घड्याळ आवडू लागलं. सलमान म्हणाला, “नंतर ते त्याला 'ज्वेलरी पीस' म्हणायचे. जेव्हा मी पुन्हा घड्याळं घालायला सुरुवात केली, तेव्हा त्यांनी तेच रोलेक्स मला परत दिलं.”

'माझ्याकडे मोठं वॉच कलेक्शन नाहीये' : सलमान खान

सलमान खानने त्या बातम्यांनाही चुकीचं ठरवलं, ज्यात म्हटलं जातं की त्याच्याकडे कोट्यवधींच्या लक्झरी घड्याळांचं कलेक्शन आहे. तो म्हणाला, "मी माझ्या आयुष्यातील २६-२८ वर्षं घड्याळं घालणं बंद केलं होतं. आज जर तुम्ही मला कोणतं घड्याळ घातलेलं पाहिलं, तर ते माझंच असेल असं नाही. ती माझ्या मित्रांची असतात. मी ती ट्राय करतो आणि परत करतो. लोकांना वाटतं की माझ्याकडे खूप मोठं वॉच कलेक्शन आहे, पण माझ्याकडे फक्त ते एकच रोलेक्स आहे. बाकी सगळी घड्याळं माझ्या मित्रांची आहेत."

Entertainment: 12 हिरोंनी नाकारला, पण बिग बींनी केला; या सिनेमानं रचला इतिहास!

Marathi Desk 1 — Thu, 21 May 2026 21:04:30 +0530

Entertainment: अमिताभ बच्चन यांच्या 'सूर्यवंशम' सिनेमाला 27 वर्षं पूर्ण झाली आहेत. हा सिनेमा 21 मे 1999 रोजी रिलीज झाला होता. यामध्ये बिग बींनी डबल रोल केला होता. विशेष म्हणजे, बॉक्स ऑफिसवर हा सिनेमा सपशेल आपटला होता.

1999 साली आलेला अमिताभ बच्चन यांचा 'सूर्यवंशम' सिनेमा प्रेक्षकांनी पहिल्या दिवसापासूनच नाकारला होता. बॉक्स ऑफिसवर सपशेल आपटलेल्या या सिनेमात बिग बींनी वडील आणि मुलगा अशी दुहेरी भूमिका साकारली होती.

'सूर्यवंशम' सिनेमासाठी अमिताभ बच्चन हे पहिली पसंत नव्हते. निर्मात्यांनी या भूमिकेसाठी बॉलिवूडच्या जवळपास 12 मोठ्या स्टार्सना विचारणा केली होती, पण कोणीही तयार झालं नाही. अखेर बिग बींना रोल ऑफर झाला आणि ते लगेच तयार झाले. यात दाक्षिणात्य अभिनेत्री सौंदर्या मुख्य भूमिकेत होती. तसेच जयसुधा, अनुपम खेर आणि कादर खान यांच्याही महत्त्वाच्या भूमिका होत्या.

'सूर्यवंशम' सिनेमासाठी सलमान खान, अनिल कपूर, सनी देओल, जॅकी श्रॉफ, गोविंदा, आमिर खान, अक्षय कुमार, अजय देवगण, सुनील शेट्टी आणि सैफ अली खान यांसारख्या कलाकारांना निर्मात्यांनी विचारणा केली होती. पण कोणीही हा सिनेमा करण्यास तयार झालं नाही. एवढ्या कलाकारांनी नकार दिल्याने निर्माते निराश झाले होते.

'सूर्यवंशम' सिनेमा बॉक्स ऑफिसवर जरी चालला नाही, तरी या सिनेमानं एक जबरदस्त रेकॉर्ड आपल्या नावावर केला आहे. हा एकमेव असा सिनेमा आहे, जो टीव्हीवर 100 कोटींपेक्षा जास्त वेळा पाहिला गेला आहे. 100 कोटी व्ह्यूअरशिपसह हा सिनेमा टीव्हीवर आजही टॉपवर आहे.

दिग्दर्शक ई.व्ही.व्ही. सत्यनारायण यांनी 'सूर्यवंशम' सिनेमा 7 कोटींच्या बजेटमध्ये बनवला होता. सिनेमानं बॉक्स ऑफिसवर 12.65 कोटींची कमाई केली होती. भारतात या सिनेमाची 40 लाखांपेक्षाही कमी तिकीटं विकली गेली होती, असं म्हटलं जातं. या सिनेमाला अनु मलिक यांनी संगीत दिलं होतं.

'सूर्यवंशम' हा 1997 साली आलेल्या तमिळ चित्रपट 'सूर्या वसम'चा रिमेक होता. मूळ सिनेमात आर. सरथकुमार आणि देवयानी मुख्य भूमिकेत होते आणि तो जबरदस्त हिट ठरला होता. या सिनेमाचा तेलुगूमध्ये 'सूर्यवंशम' (1998) आणि कन्नडमध्ये 'सूर्यवंश' (1999) नावानेही रिमेक बनला होता.

Twisha Sharma Death : अभिनेत्री ट्विशा शर्मा नक्की कोण? जिच्या मृत्यूने देशभरात खळबळ, पतीवरही केलेत गंभीर आरोप

Chanda Mandavkar — Tue, 19 May 2026 08:44:24 +0530

Who is Twisha Sharma: हुंड्यासाठी छळ आणि त्यानंतर झालेल्या एका संशयास्पद मृत्यूच्या बातमीने संपूर्ण देशाला हादरवून सोडलं आहे. गेल्या आठवड्यात भोपाळमध्ये ३३ वर्षीय अभिनेत्री ट्विशा शर्मा तिच्या घरात मृतावस्थेत आढळली. मूळची उत्तर प्रदेशच्या नोएडाची असलेली ट्विशा, १२ मे रोजी भोपाळच्या कटारा हिल्स भागातील तिचा नवरा समर्थ सिंहच्या घरी गळफास घेतलेल्या अवस्थेत सापडली. तिचा नवरा समर्थ व्यवसायाने वकील आहे. असं सांगितलं जातंय की, ट्विशा आणि समर्थ यांची ओळख २०२४ मध्ये एका डेटिंग ॲपवरून झाली होती आणि त्यानंतर डिसेंबर २०२५ मध्ये दोघांनी लग्न केलं.

MBA पदवीधर आणि माजी ‘मिस पुणे’ होती ट्विशा शर्मा

ट्विशा शर्मा शिक्षण आणि करिअर दोन्हीमध्ये खूप हुशार होती. तिने MBA केलं होतं आणि लग्नाआधी दिल्लीतील एका कंपनीत अनेक वर्षं कामही केलं होतं. याशिवाय तिने मनोरंजन क्षेत्रातही आपलं नशीब आजमावलं होतं. ट्विशाने ‘मुग्गुरु मोनागल्लू’ (२०२१) आणि ‘जरा संभल के’ (२०१८) या दोन सिनेमांमध्ये काम केलं होतं. तिच्या अचानक मृत्यूच्या बातमीने सिनेसृष्टीतील लोकांनाही मोठा धक्का बसला आहे.

सह-कलाकार धीक्षित शेट्टीने व्यक्त केलं दुःख

‘मुग्गुरु मोनागल्लू’ सिनेमात ट्विशा शर्मासोबत काम केलेला अभिनेता धीक्षित शेट्टीने या बातमीवर तीव्र दुःख व्यक्त केलं. अभिनेत्री रश्मिका मंदानासोबत ‘द गर्लफ्रेंड’ (२०२५) या सिनेमामुळे नुकताच चर्चेत आलेल्या धीक्षितने सांगितलं की, ट्विशा खूप मेहनती आणि कामावर प्रेम करणारी मुलगी होती. तो म्हणाला, "ही खूप धक्कादायक बातमी आहे. मी तिला नेहमी एक मेहनती आणि आपल्या कामाबद्दल पॅशनेट असलेली व्यक्ती म्हणून ओळखत होतो. ती एक जिंदादिल मुलगी होती. त्यामुळे तिने आत्महत्या केली असेल यावर विश्वास ठेवणं खूप कठीण आहे."

अभिनय सोडून शिक्षण आणि कुटुंबावर लक्ष केंद्रित करायचं होतं

धीक्षित शेट्टीने सांगितलं की, त्याचं ट्विशासोबत शेवटचं बोलणं सुमारे ४ वर्षांपूर्वी सिनेमाच्या शूटिंगदरम्यान झालं होतं. त्यानंतर दोघांमध्ये काही संपर्क नव्हता. तिचं लग्न झालंय हे सुद्धा आपल्याला माहीत नव्हतं, असं तो म्हणाला. धीक्षितच्या म्हणण्यानुसार, ट्विशाने त्याला सांगितलं होतं की तिला पुढे मास्टर्सचं शिक्षण पूर्ण करायचं आहे. अभिनयाचं जग तिला तिच्या अपेक्षेप्रमाणे वाटलं नाही आणि तिला आपल्या कुटुंबासोबत राहायचं होतं. ट्विशाचा भाऊ सैन्यात असून तिचं कुटुंबावर खूप प्रेम होतं, असंही त्याने सांगितलं.

दिग्दर्शक अभिलाष रेड्डी म्हणाले - ती साधी आणि प्रोफेशनल होती

‘मुग्गुरु मोनागल्लू’ सिनेमाचे दिग्दर्शक अभिलाष रेड्डी यांनीही ट्विशा शर्माच्या मृत्यूवर दुःख व्यक्त केलं. त्यांनी सांगितलं की, ट्विशा सेटवर खूप प्रोफेशनल आणि साधी अभिनेत्री होती. अभिलाष रेड्डी म्हणाले, "आमच्या सिनेमाच्या स्क्रीनिंगवेळी मी तिच्या आई-वडिलांना भेटलो होतो. ते खूप चांगले लोक होते. ट्विशाच्या मृत्यूची बातमी खूपच दुःखद आणि धक्कादायक आहे."

हुंडाबळीच्या आरोपांच्या चौकशीसाठी SIT स्थापन

या प्रकरणात भोपाळ पोलिसांनी तपास वेगाने सुरू केला आहे. पोलिसांनी ट्विशाचा नवरा समर्थ सिंह आणि त्याची आई, निवृत्त न्यायाधीश गिरिबाला सिंह यांच्यावर लावलेल्या हुंडाबळीच्या आरोपांच्या चौकशीसाठी सहा सदस्यीय विशेष तपास पथक (SIT) स्थापन केलं आहे. कटारा हिल्स पोलीस स्टेशनचे हाऊस ऑफिसर सुनील कुमार दुबे यांनी सांगितलं की, ट्विशाच्या कुटुंबीयांनी तिच्या सासरच्यांवर हत्येचा आरोप केला आहे.

नोएडाला परत जायचं होतं - कुटुंबीयांचा दावा

ट्विशाच्या नातेवाईकांचं म्हणणं आहे की, घटनेच्या रात्री सुमारे १० वाजेपर्यंत त्यांचं ट्विशासोबत फोनवर बोलणं झालं होतं. कुटुंबीयांच्या म्हणण्यानुसार, ट्विशाला भोपाळ सोडून नोएडाला परत जायचं होतं. या प्रकरणात शुक्रवारी भोपाळच्या न्यायालयाने निवृत्त न्यायाधीश गिरिबाला सिंह यांना अटकपूर्व जामीन मंजूर केला. तर, समर्थ सिंहच्या अटकपूर्व जामीन अर्जावर १८ मे रोजी सुनावणी होणार आहे.

Disclaimer: आत्महत्या हा कोणत्याही समस्येवरचा उपाय नाही. तुमच्या मनात आत्महत्येचे किंवा स्वतःला इजा पोहोचवण्याचे विचार येत असतील, तर तुम्ही त्वरित कुटुंब, मित्र आणि मानसोपचार तज्ज्ञांची मदत घेऊ शकता. याशिवाय, तुम्ही या हेल्पलाइन क्रमांकांवर कॉल करूनही मदत मागू शकता. आसरा (मुंबई) ०२२-२७५४६६६९, सुमैत्री (दिल्ली) ०११-२३३८९०९०, रोशनी (हैदराबाद) ०४०-६६२०२०००, लाइफलाइन ०३३-६४६४३२६७ (कोलकाता). मानसिक तणावासाठी हेल्पलाइन क्रमांक १४४१६ आणि १८०० ८९१४४१६ वर संपर्क साधून घरबसल्या मदत मिळवू शकता.

थलापती विजयपाठोपाठ त्रिशा कृष्णनही राजकारणात? व्हायरल व्हिडिओमधून केला खुलासा

Chanda Mandavkar — Thu, 14 May 2026 16:15:33 +0530

तमिळ फिल्म इंडस्ट्रीची फेमस ॲक्ट्रेस त्रिशा कृष्णन गेल्या काही दिवसांपासून सोशल मीडियावर सतत चर्चेत आहे. कधी तिच्या खासगी आयुष्याबद्दल बोललं जातंय, तर कधी तिच्या राजकारणातील एन्ट्रीच्या अफवा पसरवल्या जात आहेत. अशातच, तिचा एक जुना इंटरव्ह्यू सध्या वेगाने व्हायरल होत आहे, ज्यामुळे या चर्चांना एक नवीन वळण मिळालं आहे. 'पोन्नियिन सेल्वन' सिनेमाच्या प्रमोशनवेळी दिलेल्या या मुलाखतीत त्रिशाने राजकारणात येण्याच्या प्रश्नावर अगदी स्पष्ट उत्तर दिलं होतं. तिचं हेच वक्तव्य आता सोशल मीडियावर शेअर केलं जात असून, चाहते याला व्हायरल अफवांना दिलेलं सडेतोड उत्तर म्हणत आहेत.

व्हायरल मुलाखतीत त्रिशा कृष्णनचं उत्तर

'पोन्नियिन सेल्वन'च्या प्रमोशनल कार्यक्रमात होस्टने त्रिशाला विचारलं होतं, "तुम्ही 'कुंदवई'ची भूमिका खूप राजकीय समजदारीने साकारली. तुम्हाला राजकारणात रस आहे का? तुम्ही राजकारणात प्रवेश करणार का?" या प्रश्नावर त्रिशाने कोणताही संकोच न बाळगता उत्तर दिलं, "खरं सांगायचं तर, याची काहीच शक्यता नाही. मी राजकारणात येणार नाही. मला राजकारणाबद्दल काहीच माहिती नाही. मी त्यात काहीच करू शकत नाही."

हे देखील वाचा: Karuppu First Review: सूर्या-त्रिशाच्या 'करुप्पु'चा पहिला रिव्ह्यू, रेटिंगने उडवली निर्मात्यांची झोप!

"मला मुख्यमंत्री व्हायचंय" - म्हणाली होती त्रिशा

याआधी एका मुलाखतीत त्रिशा हसून म्हणाली होती, "मला मुख्यमंत्री व्हायचं आहे." तिच्या या एका वाक्यावरून अनेक वर्षं सोशल मीडियावर मीम्स आणि ट्रोलिंग झालं. आता काही लोक याला विजयच्या राजकीय वाटचालीशी जोडून नवीन अफवा पसरवत आहेत.

हे देखील वाचा: Karuppu Shows Cancelled: CM विजयची मेहरबानीही आली नाही कामी, का रद्द झाले त्रिशाच्या सिनेमाचे शो?

२० वर्षांपासून त्रिशा कृष्णनचा स्टारडम कायम

त्रिशाने २००२ साली आलेल्या 'मौनम पेसियाधे' या सिनेमातून तमिळ सिनेसृष्टीत पदार्पण केलं होतं. त्यानंतर खूप कमी वेळात तिने इंडस्ट्रीतील टॉप अभिनेत्रींमध्ये स्वतःचं स्थान निर्माण केलं. तिने 'घिल्ली', 'थिरुपाची', 'अभियुम नानुम' आणि '96' सारख्या अनेक यशस्वी सिनेमांमध्ये काम केलं. 'पोन्नियिन सेल्वन'मधील 'कुंदवई'च्या भूमिकेने तर त्रिशाच्या करिअरला एक नवी उंची दिली. तिच्या अभिनयाचं चाहते आणि समीक्षक दोघांनीही खूप कौतुक केलं. अनेकांच्या मते, या सिनेमानंतर त्रिशा पुन्हा एकदा तिच्या करिअरच्या शिखरावर पोहोचली आहे. त्रिशाने तमिळ व्यतिरिक्त तेलुगू, मल्याळम, कन्नड आणि हिंदी सिनेमांमध्येही काम केलं आहे. विशेष म्हणजे, दोन दशकांहून अधिक काळ लोटल्यानंतरही तिची लोकप्रियता आजही टिकून आहे. तिचा नवीन तमिळ सिनेमा 'करुप्पु' १४ मे २०२६ रोजी रिलीज झाला आहे, ज्यात तिच्यासोबत सूर्या मुख्य भूमिकेत आहे.

Dhamaal 4: अजय-अक्षयमध्ये झाली डील, 'धमाल 4'ची रिलीज डेट बदलली!

vivek panmand — Sun, 17 May 2026 17:35:28 +0530

बॉलिवूडच्या 2026 च्या रिलीज कॅलेंडरमध्ये एक मोठा बदल झाला आहे. अजय देवगणचा कॉमेडी चित्रपट 'धमाल 4' ची रिलीज डेट पुढे ढकलण्यात आली आहे. अक्षय कुमारच्या 'वेलकम टू द जंगल' या मल्टीस्टारर कॉमेडी चित्रपटासोबत होणारी टक्कर टाळण्यासाठी हा निर्णय घेण्यात आला आहे.

ट्रेड रिपोर्ट्सनुसार, अजय देवगण आणि अक्षय कुमार यांच्यात झालेल्या चर्चेनंतर हा निर्णय झाला. दोन्ही मोठ्या कॉमेडी चित्रपटांनी एकमेकांच्या व्यवसायाचं नुकसान करू नये, असं दोन्ही कलाकारांना वाटत होतं. आता दोन्ही चित्रपटांना थिएटरमध्ये वेगवेगळी स्पेस मिळेल, ज्यामुळे बॉक्स ऑफिस कलेक्शनला फायदा होण्याची शक्यता आहे.

'धमाल 4' ची नवीन रिलीज डेट

आधी 'धमाल 4' हा चित्रपट 3 जुलै 2026 रोजी रिलीज होणार होता. पण आता हा चित्रपट 17 जुलै 2026 रोजी सिनेमागृहात दाखल होईल. 'बॉलिवूड हंगामा'च्या रिपोर्टनुसार, 'वेलकम टू द जंगल'च्या कमाईवर परिणाम होऊ नये म्हणून हा निर्णय घेण्यात आला. रिपोर्टमध्ये सूत्रांच्या हवाल्याने म्हटलं आहे की, अजय देवगण आणि अक्षय कुमार यांनी आपापसात बोलून हा तोडगा काढला आहे. एकाच आठवड्यात दोन मोठे मल्टीस्टारर कॉमेडी चित्रपट रिलीज झाले, तर त्याचा परिणाम दोन्ही चित्रपटांच्या बॉक्स ऑफिस कलेक्शनवर होईल, असं दोघांचंही मत होतं. त्यामुळे, त्यांनी सामंजस्याने रिलीज डेट बदलण्याचा निर्णय घेतला.

'वेलकम टू द जंगल'मध्ये मोठी स्टारकास्ट

'वेलकम टू द जंगल' या चित्रपटाचं दिग्दर्शन अहमद खान करत आहेत. 26 जून 2026 रोजी रिलीज होणाऱ्या या चित्रपटात अक्षय कुमारसोबत सुनील शेट्टी, जॅकी श्रॉफ, रवीना टंडन, दिशा पाटनी, जॅकलीन फर्नांडिस, अर्शद वारसी, परेश रावल, जॉनी लिव्हर, लारा दत्ता, श्रेयस तळपदे आणि तुषार कपूर असे अनेक कलाकार दिसणार आहेत.

'धमाल 4' मध्ये जुने चेहरे परतणार

इंद्र कुमार यांच्या दिग्दर्शनाखाली बनलेल्या 'धमाल 4' मध्ये अजय देवगणसोबत रितेश देशमुख, अर्शद वारसी, संजय मिश्रा आणि जावेद जाफरी हे कलाकार दिसणार आहेत. या चित्रपटात संजीदा शेख, ईशा गुप्ता, अंजली आनंद, उपेंद्र लिमये आणि रवी किशन यांच्याही भूमिका आहेत.

Dhurandhar 2 OTT Update : रणवीरचा 'धुरंदर 2' थ्रिलर सिनेमा 'या' ओटीटी प्लॅटफॉर्मवर करणार रिलीज; वाचा संपूर्ण डिटेल्स

Chanda Mandavkar — Thu, 21 May 2026 13:44:46 +0530

Dhurandhar 2 OTT Update 'धुरंधर: द रिव्हेंज' या सिनेमाचा एक नवा 'रॉ अँड अनदेखा' कट प्रेक्षकांच्या भेटीला येतोय. यात पहिल्या सिनेमातील कधीही न पाहिलेले सीन्स असतील. हा कट २२ मे रोजी रिलीज होणार आहे.

अॅक्शन थ्रिलर 'धुरंधर: द रिव्हेंज' फ्रँचायझी पुन्हा एकदा चर्चेत आली आहे. नेटफ्लिक्सने पहिल्या सिनेमाची एक खास 'रॉ अँड अनदेखा' आवृत्ती जाहीर केली आहे. या नव्या कटमध्ये थिएटरमध्ये न दाखवलेले अनेक सीन्स असतील, असं सांगितलं जातंय. या घोषणेमुळे जगभरातील फॅन्समध्ये सोशल मीडियावर प्रचंड उत्सुकता आणि थोडा गोंधळही निर्माण झाला आहे.नेटफ्लिक्सने जाहीर केलं आहे की 'धुरंधर'चं हे एक्सटेंडेड व्हर्जन २२ मे पासून हिंदी, तमिळ आणि तेलुगू भाषांमध्ये स्ट्रीम होईल. प्लॅटफॉर्मने एक नवीन दमदार पोस्टर शेअर करत यात अधिक इंटेन्स सीन्स असणार असल्याचे संकेत दिले आहेत. यावर फॅन्सनी लगेच प्रतिक्रिया दिल्या. डिलीट केलेले सीन्स पाहण्यासाठी ते उत्सुक आहेत, पण त्याचवेळी 'धुरंधर २' च्या स्ट्रीमिंगचं काय होणार, असा प्रश्नही विचारत आहेत.

या घोषणेमुळे सोशल मीडियावर संमिश्र प्रतिक्रिया उमटत आहेत. अनेक फॅन्सना सिनेमातील न पाहिलेले सीन्स बघायला मिळणार याचा आनंद आहे, तर काही जण 'धुरंधर २' च्या ओटीटी रिलीजबाबत गोंधळले आहेत. 'धुरंधर २' सुद्धा नेटफ्लिक्सवर येईल की दुसऱ्या कोणत्या प्लॅटफॉर्मवर, यावर ऑनलाइन जोरदार चर्चा आणि तर्कवितर्क सुरू आहेत.

आदित्य धर यांनी या सिनेमांचं दिग्दर्शन केलं आहे. यात रणवीर सिंग, संजय दत्त, अर्जुन रामपाल, आर. माधवन आणि इतर अनेक कलाकार आहेत. याची कथा जसकिरत सिंग रांगी याच्याभोवती फिरते, जो आपली ओळख लपवून पाकिस्तानातील एका दहशतवादी नेटवर्कमध्ये घुसतो. या फ्रँचायझीने जगभरात बॉक्स ऑफिसवर प्रचंड कमाई केली आहे.

Mouni Roy Divorce : मौनी रॉय आणि सूरज नांबियारच्या नात्यात मोठा ट्विस्ट, घटस्फोटामागचं खरं कारण आलं समोर!

Chanda Mandavkar — Thu, 14 May 2026 09:38:07 +0530

Mouni Roy Divorce : टीव्हीपासून ते बॉलिवूडपर्यंत आपली ओळख निर्माण करणारी अभिनेत्री मौनी रॉय सध्या तिच्या खासगी आयुष्यामुळे चर्चेत आहे. मौनी आणि तिचा पती सूरज नांबियार यांच्या घटस्फोटाच्या बातम्या सतत येत आहेत. ताज्या रिपोर्ट्सनुसार, त्यांचं लग्न जवळपास ६ महिन्यांपूर्वीच मोडलं आहे, पण अजून कायदेशीर घटस्फोटाची प्रक्रिया सुरू झालेली नाही. अशातच, त्यांच्या नात्यात पुन्हा काही सुधारणा होण्याची शक्यता आहे का? असा प्रश्नही उपस्थित होत होता. पण सूत्रांच्या हवाल्याने समोर आलेल्या नव्या माहितीने या शक्यतेवरही जवळपास पूर्णविराम लावला आहे.

६ महिन्यांपासून वेगळे राहत आहेत मौनी-सूरज

पत्रकार विक्की लालवानी यांच्या रिपोर्टनुसार, मौनी रॉय आणि सूरज नांबियार गेल्या ६ महिन्यांपासून एकत्र राहत नाहीत. त्यांच्या पोस्टमध्ये दावा केला आहे की, "नात्यातला रस संपलाय, प्रेम फिकं पडलंय आणि भांडणं वाढली आहेत. एखादा चमत्कार झाला तरच ठीक, नाहीतर दोघांनी पुन्हा एकत्र येण्याची शक्यता नाही." रिपोर्टमध्ये असंही म्हटलंय की, मौनी ऑक्टोबर २०२५ पासून बहुतेक सोशल कार्यक्रमांमध्ये एकटीच दिसत आहे. इतकंच नाही, तर तिने वकिलांशी चर्चाही सुरू केल्याचं म्हटलं जात आहे.

ही पोस्ट इन्स्टाग्रामवर पहा

विक्की लालवानी (@iamvickeylalwani) यांनी शेअर केलेली पोस्ट

घटस्फोटाचा अर्ज नाही, पण समुपदेशनाची चर्चा

रिपोर्टमध्ये हे स्पष्ट करण्यात आलं आहे की, दोघांनी अजून अधिकृतपणे घटस्फोटासाठी अर्ज केलेला नाही. सूत्रांच्या माहितीनुसार, जर हे प्रकरण पुढे गेलं, तर दोघांना समुपदेशन सत्रांमध्ये (counselling sessions) सहभागी व्हावं लागू शकतं. जवळच्या सूत्रांचा दावा आहे की, सूरज नांबियारला मुंबईच्या ग्लॅमरस आयुष्यात नेहमीच अवघडल्यासारखं वाटत होतं. रिपोर्टमध्ये असंही म्हटलं आहे की, सार्वजनिक जीवनात मौनीच्या लोकप्रियतेसमोर आपली ओळख कुठेतरी दबली जात आहे, असं त्याला अनेकदा वाटायचं.

'अभिमान' सिनेमासारखं झालंय मौनी-सूरजचं नातं

रिपोर्ट्समध्ये दोघांच्या नात्याची तुलना १९७३ सालच्या 'अभिमान' या क्लासिक सिनेमाशी केली जात आहे. सिनेमात जसं अमिताभ बच्चन यांनी साकारलेलं पात्र जया भादुरी यांच्या यशाने अस्वस्थ होतं, तशीच काहीशी परिस्थिती इथेही पाहायला मिळत असल्याचा दावा केला जात आहे. मौनी रॉय आणि सूरज नांबियार यांनी अनेक वर्षं डेटिंग केल्यानंतर २७ जानेवारी २०२२ रोजी गोव्यात लग्न केलं होतं. बंगाली आणि मल्याळी अशा दोन्ही पद्धतींनी झालेल्या या लग्नाचे फोटो त्यावेळी सोशल मीडियावर प्रचंड व्हायरल झाले होते.

Mouni Roy Husband : कोण आहे सूरज नांबियार? मौनी रॉयच्या घटस्फोटाच्या चर्चांना उधाण; सोशल मीडियावरही एकमेकांना केलं अनफॉलो

Chanda Mandavkar — Tue, 12 May 2026 11:24:49 +0530

अभिनेत्री मौनी रॉय आणि तिचा पती सूरज नांबियार यांच्या नात्यात काहीतरी बिनसल्याची चर्चा सुरू झाली आहे. दोघांनी एकमेकांना सोशल मीडियावर अनफॉलो केल्याचं आणि कपल फोटो डिलीट केल्याचं चाहत्यांच्या लक्षात आलं.

सूरज नांबियार हा दुबईस्थित एक व्यावसायिक आहे. 2022 मध्ये अभिनेत्री मौनी रॉयसोबत लग्न केल्यानंतर तो चर्चेत आला. सूरज एका प्रतिष्ठित कुटुंबातील असून तो फायनान्स आणि इन्व्हेस्टमेंट क्षेत्रात काम करतो. मौनी प्रचंड लोकप्रिय असूनही, सूरजने नेहमीच स्वतःला ग्लॅमरच्या जगापासून दूर ठेवलं आहे.सूरज नांबियारने भारतातून इंजिनिअरिंगचं शिक्षण घेतलं. त्यानंतर तो मॅनेजमेंट आणि फायनान्सच्या उच्च शिक्षणासाठी परदेशात गेला. त्याने दुबईमध्ये इन्व्हेस्टमेंट बँकिंग आणि रिअल इस्टेट क्षेत्रात आपलं करिअर घडवलं. तो अनेक व्यावसायिक उपक्रमांशी जोडलेला आहे, पण तो आपलं खासगी आयुष्य जपतो आणि माध्यमांसमोर येणं टाळतो.सूरज आणि मौनी रॉय यांनी 2022 मध्ये थाटामाटात लग्न केलं. हे जोडपं अनेकदा त्यांच्या व्हॅकेशनचे आणि सेलिब्रेशनचे फोटो सोशल मीडियावर शेअर करत असे. पण, अलीकडेच चाहत्यांना त्यांच्या इन्स्टाग्रामवर काही बदल दिसले. दोघांनी एकमेकांना अनफॉलो केल्याने आणि कपल फोटो डिलीट केल्याने घटस्फोटाच्या चर्चा सुरू झाल्या आहेत. मात्र, यावर सूरज किंवा मौनी या दोघांनीही अद्याप कोणतंही स्पष्टीकरण दिलेलं नाही.

Rekha Sindoor : अभिनेत्री रेखा आजही या व्यक्तीच्या नावाने लावते सिंदूर, नक्की काय आहे कारण? घ्या जाणून

Chanda Mandavkar — Wed, 13 May 2026 07:51:39 +0530

बॉलिवूडची एव्हरग्रीन अभिनेत्री रेखा यांचं लग्न दिल्लीचे व्यावसायिक मुकेश अग्रवाल यांच्याशी झालं होतं. पण १९९० मध्येच मुकेश यांचं निधन झालं.ज्येष्ठ अभिनेत्री रेखा जेव्हाही एखाद्या सार्वजनिक कार्यक्रमात सिंदूर लावून पोहोचतात, तेव्हा चाहते आश्चर्यचकित होतात. हिंदू धर्मात सिंदूर हे सौभाग्याचं लक्षण मानलं जातं. पतीच्या निधनानंतरही रेखा सिंदूर का लावतात, हे बॉलिवूडमधील सर्वात मोठं रहस्य आहे. चला, यामागील कारण जाणून घेऊया.हिंदू परंपरेनुसार, विवाहित महिला आपल्या भांगेत सिंदूर लावतात. ही लाल किंवा नारंगी रंगाची पावडर त्यांच्या वैवाहिक स्थितीचं प्रतीक असते. अनेक हिंदू घरांमध्ये हा विधी खूप महत्त्वाचा मानला जातो आणि लग्नसमारंभात वर वधूच्या भांगेत सिंदूर भरतो.बॉलिवूड अभिनेत्री रेखा यांनी दिल्लीचे व्यावसायिक आणि टेलिव्हिजन निर्माते मुकेश अग्रवाल यांच्याशी लग्न केलं होतं. या दोघांनी १९९० मध्ये लग्नगाठ बांधली, पण हे लग्न फक्त सात महिनेच टिकलं. रेखा लंडनमध्ये असताना अग्रवाल यांनी आत्महत्या केली होती.जून १९८२ मध्ये, रेखा यांना 'उमराव जान'मधील भूमिकेसाठी सर्वोत्कृष्ट अभिनेत्रीचा राष्ट्रीय पुरस्कार मिळाला. त्यावेळी, भारताचे तत्कालीन राष्ट्रपती नीलम संजीव रेड्डी यांनी त्यांना विचारलं, 'तुम्ही भांगेत सिंदूर का लावला आहे?' यावर रेखा यांनी उत्तर दिलं, 'मी ज्या शहरातून आले आहे, तिथे सिंदूर लावणं फॅशनमध्ये आहे.' ही घटना रेखा यांच्या लग्नापूर्वीची आहे. पण पती मुकेश अग्रवाल यांच्या १९९० मधील निधनानंतरही त्या सिंदूर लावताना दिसल्या. २००८ मध्ये 'हिंदुस्तान टाइम्स'ला दिलेल्या मुलाखतीत रेखा म्हणाल्या होत्या, 'इतर लोक काय विचार करतात याची मला पर्वा नाही. तसंही, मला वाटतं की ते माझ्यावर छान दिसतं. सिंदूर मला सूट करतो.'मार्च २०२५ मध्ये, चित्रपट इतिहासकार हनीफ झवेरी यांनी सांगितलं की, रेखा, ज्यांचं नाव नेहमी अमिताभ बच्चन यांच्यासोबत जोडलं जातं, त्यांच्या मनात आजही या बॉलिवूड सुपरस्टारसाठी एक सॉफ्ट कॉर्नर आहे. ETimes च्या रिपोर्टनुसार, हनीफ म्हणाले, 'एक प्रकारची माया आहे - जर अमिताभ बच्चन यांच्यासोबत काही चुकीचं घडलं, तर त्यांना (रेखा) वाटतं की असं व्हायला नको. त्याचप्रमाणे, जर रेखा यांच्यासोबत काही घडलं, तर अमिताभ बच्चन यांना वाटतं की त्यांच्यासोबत असं व्हायला नको. ही एक प्रकारची अटॅचमेंट आहे.'

Drishyam 3: मोहनलालच्या सिनेमाचा फर्स्ट रिव्ह्यू आला! जॉर्जकुट्टी यावेळी फसवणार की फरणार?

vivek panmand — Wed, 20 May 2026 22:00:03 +0530

Mohanlal Drishyam 3 First Review: सुपरस्टार मोहनलाल यावर्षी त्याच्या वाढदिवसादिवशी फॅन्सना 'दृश्यम ३' चं गिफ्ट देत आहे. ज्या सिनेमाची सगळेजण आतुरतेने वाट पाहत होते, तो हा मल्याळम सिनेमा २१ मे रोजी थिएटरमध्ये रिलीज होणार आहे. जीतू जोसेफ यांनी दिग्दर्शित केलेला 'दृश्यम ३' हा सर्वात मोठ्या थ्रिलर फ्रँचायझीपैकी एक मानला जातो. जॉर्जकुट्टी आणि त्याच्या कुटुंबाच्या कथेचा हा शेवटचा भाग आहे. पहिल्या दोन भागांना मिळालेल्या प्रचंड यशानंतर, तिसऱ्या भागाबद्दल भारतात आणि परदेशातही जबरदस्त उत्सुकता आहे. या सिरीजचा पहिला भाग २०१३ मध्ये आला होता, तर दुसरा भाग २०२१ मध्ये रिलीज झाला होता. या सिनेमाचा हिंदी, तामिळ आणि तेलुगूसह अनेक भाषांमध्ये रिमेकही झाला आहे. दरम्यान, आता या सिनेमाचा पहिला रिव्ह्यू समोर आला आहे...

'दृश्यम ३' ची कथा काय आहे?

रिपोर्टनुसार, सेन्सॉर बोर्डाने 'दृश्यम ३' मध्ये फारसे बदल केलेले नाहीत. सिनेमाला UA13+ सर्टिफिकेट मिळालं आहे. याचा अर्थ, १३ वर्षांवरील मुलं हा सिनेमा पाहू शकतात. सिनेमात क्राईम, मर्डर मिस्ट्री आणि फॅमिली ड्रामा आहे. सिनेमाचा रनटाईम २ तास ३९ मिनिटं आहे. कथेबद्दल बोलायचं झालं, तर जिथे 'दृश्यम २' संपला होता, तिथूनच ही कथा पुढे सुरू होईल. जॉर्जकुट्टी (मोहनलाल) हा एका सामान्य कुटुंबातला माणूस आहे, जो पत्नी राणी आणि दोन मुलींसोबत राहतो. संपूर्ण सिनेमा या चौघांभोवतीच फिरतो. मागच्या भागात आपण पाहिलं की, जॉर्जकुट्टीने कायद्यातील त्रुटींचा फायदा घेऊन आपल्या कुटुंबाला एका हत्येच्या प्रकरणातून कसं वाचवलं. पोलिसांना त्याच्याविरोधात कोणताही पुरावा मिळाला नव्हता. पण आता पोलिसांच्या हाती असं काहीतरी लागलं आहे, ज्यामुळे जॉर्जकुट्टीच्या आयुष्यात एक नवीन संकट येणार आहे. त्यामुळे तो भीती आणि अनिश्चिततेच्या छायेत जगत आहे. त्याला हेही माहीत नाही की कोण गुपचूप त्याचा पाठलाग करतंय किंवा पोलीस त्याच्याविरुद्ध केस पुन्हा उघडणार आहेत का. हे नवीन संकट काय आहे आणि तो यातून कसा बाहेर पडणार की यावेळेस तो फसेल, हे सगळं सिनेमा पाहिल्यावरच कळेल.

'दृश्यम ३' चं बजेट किती आहे?

'दृश्यम ३' हा एक मल्याळम क्राईम थ्रिलर सिनेमा आहे, ज्याची कथा आणि दिग्दर्शन जीतू जोसेफ यांनी केलं आहे. आशीर्वाद सिनेमाजसाठी अँटनी पेरुंबवूर यांनी या सिनेमाची निर्मिती केली आहे. हा 'दृश्यम २' चा पुढचा भाग आहे. माहितीनुसार, हा सिनेमा १०० कोटींच्या बजेटमध्ये बनवला आहे. यामध्ये मोहनलालसोबत मीना, अंसिबा हसन, एस्तेर अनिल, मुरली गोपी, सिद्दीकी, आशा सारथ, शांती मायादेवी आणि वीणा नंदकुमार मुख्य भूमिकेत आहेत. विशेष म्हणजे, 'दृश्यम ३' नावाने बॉलिवूडमध्येही एक सिनेमा बनत आहे, ज्यात अजय देवगण मुख्य भूमिकेत आहे. हा हिंदी सिनेमा २ ऑक्टोबरला रिलीज होणार आहे.

‘Main Vapas Aaunga’वर Imtiaz Aliची खास मुलाखत | Sharvari | Vedang

Rameshwar Gavhane — Thu, 21 May 2026 14:00:00 +0530

मुंबईमध्ये दिग्दर्शक इम्तियाज अली, अभिनेत्री शरवरी वाघ आणि अभिनेता वेदांग रैना यांनी आगामी चित्रपट ‘Main Vapas Aaunga’ संदर्भात खास मुलाखत दिली. चित्रपटाची कथा, कलाकारांची भूमिका आणि शूटिंग अनुभवांबद्दल त्यांनी मनमोकळा संवाद साधला. इम्तियाज अलीच्या या नव्या चित्रपटाबद्दल चाहत्यांमध्ये उत्सुकता वाढली असून Sharvari आणि Vedang ची जोडीही चर्चेत आहे.

Cannes 2026: रेड कार्पेटवर दिसणार बॉलिवूडचा जलवा, बघा कोण-कोण लावणार हजेरी!

vivek panmand — Tue, 12 May 2026 20:00:14 +0530

यंदा ७९ व्या कान्स फिल्म फेस्टिव्हलची जबरदस्त क्रेझ बघायला मिळत आहे. हा जगातला सर्वात मोठा फिल्म फेस्टिव्हल मानला जातो. यामध्ये अनेक शानदार सिनेमांची स्क्रीनिंग होते आणि जगभरातील लोक त्याचा आनंद घेतात. पण, सगळ्यात जास्त चर्चा होते ती इथल्या रेड कार्पेटची. यावर्षीही कान्सच्या रेड कार्पेटवर बॉलिवूडसोबतच साऊथच्या कलाकारांचाही स्टायलिश आणि ग्लॅमरस लूक बघायला मिळणार आहे. चला जाणून घेऊया, हा फेस्टिव्हल कधी सुरू होतोय, किती दिवस चालेल आणि कोणते बॉलिवूड सेलिब्रिटी यात सहभागी होतील.

कान्स फिल्म फेस्टिव्हल कधी सुरू होणार?

कान्स फिल्म फेस्टिव्हलचं आयोजन १२ ते २३ मे २०२६ दरम्यान फ्रान्सच्या फ्रेंच रिव्हिएरामध्ये केलं जाईल. कान्सची ओपनिंग सेरेमनी १२ मे रोजी रात्री उशिरा होईल, तर समारोप सोहळा २३ मे रोजी पार पडेल. या इव्हेंटचा आंतरराष्ट्रीय प्रीमियर 'ब्रूट' (Brut) द्वारे केला जाईल. याचं लाइव्ह स्ट्रीमिंग कान्स फिल्म फेस्टिव्हलच्या अधिकृत यूट्यूब चॅनल, इन्स्टाग्राम आणि वेबसाइटवर पाहता येईल. फ्रान्समध्ये या फेस्टिव्हलचा एक्सक्लुझिव्ह कंटेंट 'फ्रान्स टेलिव्हिजन'वर उपलब्ध असेल. तसंच, सोशल मीडिया हँडल्सवरही सतत अपडेट्स आणि झलक शेअर केली जाईल. विशेष म्हणजे, यावेळी भारताकडून हिंदीसोबतच पंजाबी, मल्याळम, गुजराती आणि कन्नड सिनेमांची स्क्रीनिंग केली जाणार आहे. एमी विर्कचा पंजाबी सिनेमा 'चढदी कला', मल्याळम सिनेमा 'बालन: द बॉय' आणि शॉर्ट फिल्म 'शॅडो ऑफ द मून लेसन नाईट' यांचा प्रीमियर कान्समध्ये होईल. त्याचबरोबर जॉन अब्राहमचा सिनेमा 'अम्मा अरियान', श्रीमयी चक्रवर्तीची डॉक्युमेंटरी 'स्पिरिट ऑफ द वाइल्डफ्लॉवर', कॅरेन क्षिती सुवर्णाची कन्नड फिल्म '२१ सप्टेंबर' आणि गुजराती सिनेमा 'लालो - कृष्णा सदा सहायते' हे देखील या इव्हेंटमध्ये दाखवले जातील.

हे पण वाचा... २०२६ मध्ये ७ नव्या जोड्या बॉक्स ऑफिसवर घालणार धुमाकूळ, 'या' २ जोड्यांना एकत्र पाहण्यासाठी सर्वच उत्सुक

कान्सच्या रेड कार्पेटवर भारतीय सेलिब्रिटी

कान्स फिल्म फेस्टिव्हलच्या रेड कार्पेटवर बॉलिवूडसोबतच साऊथचे स्टार्सही आपला जलवा दाखवताना दिसतील. या इव्हेंटच्या रेड कार्पेटवर ऐश्वर्या राय, आलिया भट्ट, अदिती राव हैदरी, तारा सुतारिया, कल्याणी प्रियदर्शन, मौनी रॉय, पूजा बत्रा, करण जोहर आणि एमी विर्क हे कलाकार दिसणार आहेत. मिळालेल्या माहितीनुसार, आलिया फ्रान्सला पोहोचली आहे आणि तारा सुतारियासुद्धा रवाना झाली आहे. तुम्हाला माहीत आहे का, कान्स फेस्टिव्हलची अधिकृत सुरुवात २० सप्टेंबर १९४६ रोजी फ्रान्सच्या कान्स शहरात झाली होती. याचं नियोजन १९३९ मध्येच झालं होतं, पण दुसऱ्या महायुद्धामुळे ते पुढे ढकलण्यात आलं होतं. हा जगातील सर्वात प्रतिष्ठित चित्रपट महोत्सवांपैकी एक आहे.

SRK Car Collection: शाहरुखच्या महागड्या संग्रहात आहेत बुगाडी ते रोल्स रॉइस कार्स

Marathi Desk 1 — Sat, 16 May 2026 21:12:49 +0530

SRK Car Collection: शाहरुख खानला बॉलिवूडचा 'किंग' म्हणतात. तो फक्त त्याच्या सिनेमांसाठीच नाही, तर त्याच्या लक्झरी लाईफस्टाईलसाठीही ओळखला जातो. त्याच्या कार कलेक्शनवर नजर टाकली तर थक्क व्हायला होतं. चला पाहूया शाहरुखच्या सर्वात महागड्या गाड्या...

ही शाहरुख खानच्या कार कलेक्शनमधील सर्वात महागडी गाडी आहे. याची किंमत जवळपास 12 कोटी रुपये आहे. या गाडीत क्वाड-टर्बोचार्ज्ड 8.0-लीटर W16 इंजिन आहे, जे 1001 ते 1200 हॉर्सपॉवरची ताकद निर्माण करतं. फ्रान्सच्या मोल्सहाइममध्ये तयार होणारी ही एक मिड-इंजिन हायपरकार आहे. तिचा टॉप स्पीड ताशी 407 ते 431 किमी असल्याचं सांगितलं जातं.

ही एक अल्ट्रा लक्झरी SUV आहे, ज्यात 6.75-लीटर ट्विन-टर्बो V12 इंजिन आहे. या गाडीचा टॉप स्पीड ताशी 250 किमी असल्याचं म्हटलं जातं. या कारची किंमत जवळपास 10 कोटी रुपये आहे

ही एक अल्ट्रा-लक्झरी 4-सीटर कन्व्हर्टिबल ग्रँड टूरर गाडी आहे. तिचं डिझाइन १९३० च्या रेसिंग यॉटपासून प्रेरित आहे. यात 6.75-लीटर V12 इंजिन आहे. तसेच, गाडीचं 5-लेयर सॉफ्ट-टॉप फक्त 25 सेकंदात उघडतं. या कारची किंमत सुमारे 9.6 कोटी रुपये सांगितली जाते.

शाहरुखने ही कार नुकतीच खरेदी केली आहे. तिची किंमत 5 कोटी रुपयांपर्यंत असल्याचं सांगितलं जातं. ही एक फुल साइज लक्झरी अमेरिकन कार आहे, जी भारतात मिळत नाही. ही गाडी परदेशातून इंपोर्ट करावी लागते. यात 6.2-लीटर सुपरचार्ज्ड V8 इंजिन आहे आणि तिचा टॉप स्पीड ताशी 201 किमी आहे.

ही एक अत्यंत शानदार आणि लक्झरी ग्रँड टूरर कार आहे. तिचा टॉप स्पीड ताशी 335 किमी असल्याचं सांगितलं जातं. रिपोर्ट्सनुसार, या कारची किंमत सुमारे 3.29 कोटी रुपये आहे. मात्र, सध्याच्या एक्स-शोरूम किमती पाहिल्यास, ती 5.23 कोटी ते 8.45 कोटी रुपयांपर्यंत आहे.

शाहरुखच्या या कारची किंमत जवळपास 3.15 कोटी रुपये आहे. यात 496 hp क्षमतेचं 4.0L V8 बिटर्बो इंजिन आणि एक माइल्ड-हायब्रीड सिस्टीम आहे. या गाडीचा टॉप स्पीड ताशी 250 किमी असल्याचं सांगितलं जातं.

शाहरुखच्या गॅरेजमध्ये सुमारे 2.62 कोटी रुपयांची बीएमडब्ल्यू-i8, जवळपास 2.8 कोटी ते 3 कोटी रुपयांची रेंज रोव्हर वोग, सुमारे 1.88 कोटींची मर्सिडीज बेंझ एस-क्लास आणि जवळपास 88 लाख रुपयांची मर्सिडीज बेंझ जीएलई यांचाही समावेश आहे. याशिवाय अनेक छोट्या आणि मध्यम रेंजच्या गाड्याही आहेत. शाहरुखच्या गॅरेजमधील सर्व गाड्यांची एकूण किंमत 50 कोटी रुपयांपेक्षा जास्त असल्याचा अंदाज आहे. ही रक्कम इतकी आहे की, यात अहान पांडे आणि अनीत पड्डा स्टारर 'सैयारा' (बजेट सुमारे 45 कोटी) सारखा चित्रपट बनू शकतो.

डिस्क्लेमर: हा लेख इंटरनेटवर उपलब्ध असलेल्या माहितीच्या आधारे तयार करण्यात आला आहे. आम्ही या माहितीची अधिकृत पुष्टी करत नाही. फोटोंचा वापर केवळ सादरीकरणासाठी केला आहे.

Salman Khan: 'दीड मिनिटं श्वासच घेता आला नाही'; भाईजानने सांगितला मृत्यूच्या दारातून परत आल्याचा अनुभव

vivek panmand — Sun, 17 May 2026 10:44:39 +0530

90 च्या दशकात सलमान खान फक्त त्याच्या सिनेमांमुळेच नाही, तर त्याच्या जबरदस्त शरीरयष्टी आणि दमदार ॲक्शन स्टाईलसाठीही ओळखला जायचा. त्याने हृतिक रोशनसारख्या अनेक कलाकारांना फिटनेस ट्रेनिंगही दिली आहे. पण नुकतंच सलमानने अशा काही धोकादायक स्टंट्सबद्दल सांगितलं, ज्यात त्याचा जीव धोक्यात आला होता. एका मुलाखतीत त्याने 'जागृति' आणि 'पत्थर के फूल' या सिनेमांच्या शूटिंगदरम्यानचे अनुभव शेअर केले, जे आजही त्याच्या लक्षात आहेत. एका स्टंटवेळी तर आपलं डोकं डोंगराच्या खडकाला लागता लागता वाचलं होतं, असंही तो म्हणाला.

'खालचे बॉक्स माचिसच्या डबीएवढे दिसत होते' - सलमान खान

सलमान खानने 'व्हरायटी इंडिया'ला दिलेल्या मुलाखतीत 'जागृति' सिनेमातील एका खतरनाक स्टंटची आठवण सांगितली. तो म्हणाला, “एक ८० फूट उंच डोंगर होता. खालून पाहिल्यावर मला वाटलं की मी ही उडी मारू शकेन. सुरुवातीला उडी मारण्यासाठी एक-दोन बॉक्स दिले जायचे, पण ही खूप मोठी उडी होती. त्यांनी माझ्यासाठी तीन थरांचे बॉक्स आणि त्यावर गादी ठेवली होती. वर पोहोचल्यावर मला ते बॉक्स दिसतच नव्हते. मला फक्त माझ्या अंदाजावर उडी मारायची होती. मला उडी मारायची नव्हती, पण तिथे गर्दी जमली होती. जर मी खाली उतरून म्हणालो असतो की मी उडी मारणार नाही, तर माझ्या इगोला ते पटलं नसतं. जेव्हा मी खाली पाहिलं, तेव्हा ते बॉक्स माचिसच्या डबीएवढे दिसत होते. मी धावत आलो, पण खडीवर माझा पाय घसरला. माझे केस डोंगराच्या खडकाला घासले आणि मी खाली पडलो.”

'दीड मिनिटं श्वासच घेता आला नाही' - सलमान खान

सलमानने 'पत्थर के फूल' सिनेमातील आणखी एक धोकादायक प्रसंग आठवला. तो म्हणाला, “सिनेमात मी स्केटिंग करत होतो आणि मला एक उडी मारायची होती. पहिल्यांदा जेव्हा मी उडी मारली, तेव्हा मी चुकीच्या ठिकाणी लँड झालो. आजूबाजूच्या बिल्डिंगमधून लोक माझ्याकडे बघत होते आणि मला त्यांचं हसणं ऐकू येत होतं. मग मी पुन्हा तोच स्टंट करण्याचा निर्णय घेतला. मी खूप वेगात आलो होतो आणि मला जाणवलं की मी सगळं पार करून जाईन. मी उडी घेतली आणि मग रस्ता दिसू लागला. मी कॅमेऱ्याजवळ बनवलेल्या खड्ड्यात जाऊन पडलो. त्यानंतर जवळपास दीड मिनिटं मला श्वासच घेता आला नाही, कारण माझ्या पाठीवर जबरदस्त मार बसला होता.”

सलमान खानने कधीच स्क्रिप्ट वाचली नाही

याच मुलाखतीत सलमानने आणखी एक धक्कादायक खुलासा केला. तो म्हणाला, “मी माझ्या आयुष्यात कधीच कोणतीही स्क्रिप्ट वाचली नाही. मी स्क्रिप्ट्स लिहिल्या आहेत, पण कधी वाचल्या नाहीत.” विशेष म्हणजे, सलमान खानला 'बागी', 'वीर' आणि 'दबंग ३' सारख्या सिनेमांमध्ये लेखनाचं श्रेयही मिळालं आहे. आगामी सिनेमांबद्दल बोलायचं झाल्यास, सलमान खान लवकरच 'मातृभूमी: मे वॉर रेस्ट इन पीस' मध्ये दिसणार आहे. याशिवाय, त्याने दिग्दर्शक वामशी पैदीपल्ली आणि निर्माता दिल राजू यांच्यासोबत आपल्या नव्या ॲक्शन सिनेमाचं शूटिंग सुरू केल्याचीही चर्चा आहे.

Viral Video : 'थलापती' विजयबद्दल फॅनने विचारताच त्रिशाचं एका शब्दात उत्तर, नेटकऱ्यांनी दिल्या अशा प्रतिक्रिया

Chanda Mandavkar — Sat, 16 May 2026 13:15:29 +0530

Viral Video : अभिनेता-राजकारणी विजय यांनी तामिळनाडूच्या मुख्यमंत्रीपदाची सूत्रे स्वीकारल्याच्या चर्चांनी सध्या तिथल्या राजकारणात आणि सोशल मीडियावर धुमाकूळ घातला आहे. अर्थात, या दाव्यांना कोणताही अधिकृत दुजोरा मिळालेला नाही. पण विजयच्या राजकीय वाटचालीबद्दल आणि राज्याच्या भविष्यावर त्याचा काय परिणाम होईल यावर जोरदार चर्चा सुरू आहे. या सगळ्या गदारोळात अभिनेत्री त्रिशा कृष्णन हे नाव अनपेक्षितपणे ट्रेंडिंग टॉपिक बनलं आहे.

घटस्फोटाच्या चर्चा आणि जुन्या नात्याच्या अफवा पुन्हा चर्चेत

विजयची पत्नी संगीता हिने घटस्फोटासाठी अर्ज केल्याच्या बातम्या समोर आल्यानंतर विजय आणि त्रिशा यांच्या नात्याच्या जुन्या चर्चांना पुन्हा एकदा उधाण आलं आहे. यापूर्वीही काही याचिकांमध्ये आणि ऑनलाइन चर्चांमध्ये विजयचं नाव दाक्षिणात्य चित्रपटसृष्टीतील एका प्रसिद्ध अभिनेत्रीशी जोडलं गेलं होतं. या अफवांना कधीही अधिकृत दुजोरा मिळाला नसला तरी, सोशल मीडियावर त्या आजही मोठ्या प्रमाणात शेअर केल्या जातात.

त्रिशाच्या सार्वजनिक वावरामुळे चर्चांना व्हायरल बळ

नेटिझन्स त्रिशाच्या अलीकडच्या सार्वजनिक कार्यक्रमांमधील वावरावरही बारकाईने लक्ष ठेवून आहेत. विजयशी संबंधित कार्यक्रमांमध्ये तिची उपस्थिती, त्याच्या कुटुंबीयांना भेटण्याचे क्षण आणि इंस्टाग्रामवर शेअर केलेल्या पोस्ट्समुळे ऑनलाइन चर्चांना आणखी खतपाणी मिळत आहे. चाहते या घटनांना 'संकेत' मानत असले तरी, विजय किंवा त्रिशा या दोघांपैकी कोणीही या चर्चांवर अधिकृतपणे काहीही सांगितलेलं नाही.

"Thalapathy ah kettenu sollunga"Trisha replies, "Kandipa" ❤️ pic.twitter.com/CLZUTP3QIn

— Deepu (@deepu_drops) May 15, 2026

व्हायरल व्हिडिओमुळे चर्चेला आणखी फोडणी

या चर्चांमध्ये भर घालत, त्रिशाचा चाहत्यांशी संवाद साधतानाचा एक व्हिडिओ सध्या व्हायरल होत आहे. या क्लिपमध्ये, जेव्हा एक चाहता तिला 'थलापती'ला निरोप देण्यास सांगतो, तेव्हा ती तमिळमध्ये 'कंडिप्पा' (Kandippa) असं उत्तर देते, ज्याचा अर्थ 'नक्कीच सांगेन' असा होतो. तिच्या या छोट्याशा उत्तराने ऑनलाइन विश्वात मोठी चर्चा सुरू केली आहे. दरम्यान, विजयच्या वैयक्तिक आयुष्याबद्दल आणि घटस्फोटाच्या प्रकरणाबद्दलच्या चर्चा सुरूच आहेत, परंतु अद्याप कोणतीही खात्रीशीर माहिती समोर आलेली नाही.

विजयची मैत्रीण त्रिशाला मिळाली मोठी ऑफर, स्टॅलिन यांनी दिली ऑफर?

vivek panmand — Wed, 13 May 2026 15:51:16 +0530

अभिनेत्री त्रिशा कृष्णन यांना डीएमके पक्षाचे नेते एम के स्टॅलिन यांच्याकडून एका मोठ्या चित्रपटासाठी १२ कोटींची ऑफर मिळाल्याची चर्चा आहे.